网易首页-新闻-体育-NBA-娱乐-财经-股票-汽车-科技-手机-女人-论坛-视频-博客-房产-家居-教育-读书-游戏-LOFTER |
Rss
zhangs_wh zhangs_wh 发送消息
等级:
花花花

积分: 30731

发帖: 74856 篇

在线时长: 1150 小时

只看楼主 楼主    2011-01-06 11:00:51 举报
管理
打印

[FACE周刊第189期]TVB新聞部鳥獸散


[FACE周刊第189期]各自飛 人工奀衰偏心 TVB新聞部鳥獸散
 

蘇敬恆(左一)、柳俊江(左二)、郭詠琴(右二)及陳亮鈞(右一)。 caption_pure: "蘇敬恆(左一)、柳俊江(左二)、郭詠琴(右二)及陳亮鈞(右一)。

早前有報道指擔大旗坐正無綫六點半新聞的主播郭詠琴會離巢,一時話佢去做 ibanking、一時又話高薪過檔鄭大班的雄濤數碼電台做新聞一姐,成街都係風。
其實索女主播唔 do,原來只係逃亡潮嘅冰山一角,據知近幾個月,無論做咗十幾年嘅資深記者,甚至連首席主播都紛紛跳槽甚至轉行,據知成班新聞部台柱原來對人工偏低、又偏心靚女主播福利大細超積怨已深,愈做愈心淡下憤而走人。
不過無綫新聞部出名係新聞系學生夢想,舊嘅走咗,大班新人排隊入啦!
最後合照
相中蘇敬恆(左一)、柳俊江(左二)、郭詠琴(右二)及陳亮鈞(右一)於今 12月 farewell BBQ拍攝,四人均先後離開 TVB,所以再合照的機會唔大,難怪放上微博就吸引過百網友留言說懷念!
 
蘇敬恆(無綫前高級記者)
2010年 11月離職
現為港台新聞部記者
 
柳俊江(無綫前高級記者)
2010年 12月 31日離職
將於愛護動物協會工作
 
郭詠琴(無綫前高級記者)
2010年 12月 31日離職
轉職公關
 
陳亮鈞(無綫前記者)
2010年 11月離職
現職有線記者
 
剛過去的 12月 30日,郭詠琴於微博 say goodbye:「還有兩天就要跟大家說再見……離開這個坐了 5年半的風水好位!」但原來除咗郭詠琴,其餘資深記者柳俊江、黃家俊同蘇敬恆亦喺微博寫上道別字句,暗示離開 TVB新聞部。

偏心讀稿機器



搵我做主播咪得囉!
 
確實近半年,無綫資深記者相繼離開,早幾個月有李嘉文和蘇敬恆,近期有柳俊江、黃家俊及郭詠琴等多名資深記者離開,流失量咁高,原來有人對 TVB新聞部資源不均好不滿。
知情者說:「人工比其他電視台少幾千,本來錢少都算,最衰大細超,新聞部一向有齋坐直播室報新聞,完全唔使出外採訪嘅主播,亦有要採訪同報新聞嘅記者兩種,但因主播出鏡多,佢哋底薪加出鏡費比記者多,出鏡費由$150-$1,000,如果好似周嘉儀呢類齋讀稿主播咁,每集一千出鏡費,而一般報新聞嘅記者一年只有$1,000服裝律貼,齋坐嘅主播就有$2,000,加加埋埋記者愈做愈心淡!」
 


黃家俊(無綫前首席記者)
將任港鐵高層
 


李嘉文(無綫前首席記者)(圖左)
2010年 6月離職
現為樹仁新聞系助教
 

臨別忍淚
郭詠琴上週五主持最後一日六點半新聞,臨尾講完句:「新年快樂,再會!」之後低頭忍淚,可惜畫面已轉黑,觀眾無緣睇到!
周嘉儀唔使跑執靚樣  


 
首席主播周嘉儀
唔少男觀眾嘅女神周嘉儀就係首席主播,唔使出去採訪,只係坐喺直播室歎冷氣、讀新聞,大把時間喺化妝間執靚樣。據知無綫化妝間一向有工作人員幫主播化妝,但可惜如方健儀又要跑新聞又要出鏡,個樣好難有時間搞到完美,所以周嘉儀咁索,有原因 o架!



首席記者方健儀
報道晚間十一點新聞嘅方健儀,係無綫報新聞嘅一姐,亦係首席記者,所以不時會見到佢出外採訪同做專題訪問,所以周時外景同直播室兩邊走,個樣好難顧到嘅。
三方頂住新聞部  
 

 
無綫資深記者流失,除咗採訪主任許方輝外,台柱就得番方東昇同方健儀資歷最深,前線記者亦有黃大鈞同潘蔚林努力跑新聞,暫時都應該 keep到水準嘅!
周嘉儀坐正

除資源分配不均,新接班嘅記者表現未如理想亦令大班台柱失望,知情者續說:「除咗報新聞好樣有優待外,新請班記者好多時都未成熟,要班資深人幫佢哋做埋,好似搵個專家訪問咁,由聯絡到度埋訪問內容,之後又要執佢哋啲稿,班新人變咗遞咪機器,資深記者打多半份工又冇人工加,畀你都走啦!」
郭詠琴同黃家俊走人當然傷心,好多人更關心邊個會上位坐正,知情者再說:「新聞部唔同晒,以前要咬字正為先,?家主要搵靚仔靚女,六點半就由互動新聞台主播周嘉儀坐正,方東昇就繼續撐住,周嘉儀咁靚女,上位意料中事!」
 
新紮正妹

新聞主播離開多人關心,但有靚樣嘅索主播或記者,一樣多人討論,好似 09年先入無綫做實習、現為無綫記者的周詩泓,見佢眼大大,仲俾網友叫佢翻版林嘉欣,有潛力坐正。
 


記者女神周詩泓
周詩泓 09年開始做無綫實習記者,當時 2個月實習期,但樣靚即被網友將佢出外景嘅片段放上網,畀粉絲狂煲。
 


話晒靚女,網上就發現佢同阿 Sa合照,十足小 fans。
 


 
新天氣之花鄭萃雯
另一無綫小花主持天氣報告嘅鄭萃雯亦係網友熱捧靚女。
28歲嘅鄭萃雯, 06年入無綫做實習記者,現為互動新聞台做記者,間中亦有報天氣,由於樣靚笑容甜,所以係新聞界新晉女神!
 


今年 10月 10日,方健儀與技術指導註冊, 28歲的鄭萃雯(左)搶到花球,據知佢最新與做 TVB攝影師男友訂婚。

採訪、撰文:娛樂組
   本贴于 2011-01-06 19:39:53 被【鱼语】修改
网易论坛,天天相伴
爬过多少座山坡 笑看日出日落
zhangs_wh zhangs_wh 发送消息
等级:
花花花

积分: 30734

发帖: 74857 篇

在线时长: 1151 小时

2楼   2011-01-06 11:02:26 举报
管理
第 189 期 face 週刊
 
本地娛樂
 
封面 2011新咪神 日本剝贏Baby 34E Cica執靚攻港
港女獵物 巨聲筍盤 8千萬家底 牙醫校花餵飽許廷鏗
冇運行 叱咤失威 勁歌凍過水 黑面古巨基 最後談判
明星家族 激似黃光亮家族 林峯妹極品

呢期爆佢 高登孖寶 嗶嗶老母:我要攞新人獎 高登肥雞妹:我油膩
各自飛 人工奀衰偏心 TVB新聞部鳥獸散
FBI File 圍剿容祖兒
FBI File 高海寧K.O.周秀娜
FBI File 栢芝大少爺變外賣仔
FBI File 新城買獎逐樣計
FBI File 百果園DaDa 新年禿頭
FBI File 薛凱琪撚人隻狗
FBI File 何超蓮少女食神
FBI File 玩乜apps 排骨仔操反應
驗衣官 關注頒獎禮戰衣
facebook頭條 '11抽水孖寶 揭詹sir〈仆街〉MV黑手
facebook驚喜 長腿美少女 見習o靚模Cammi Tse
 
外地娛樂
 
FBI File 小S氹仔剝衫
FBI File 林志玲事業線補鑊
FBI File 斷背Jake露B照流出
日面 《挪威》妹癲女正傳
 
專訪
 
FACEweekly 陳柏宇 New & Old
面對面 偏章達人 周國賢
 
星座
 
星座達人 去邊旅遊可增運?
   本贴于 2011-01-06 22:14:57 被【鱼语】修改
网易论坛,天天相伴
爬过多少座山坡 笑看日出日落
zhangs_wh zhangs_wh 发送消息
等级:
花花花

积分: 30735

发帖: 74857 篇

在线时长: 1151 小时

3楼   2011-01-06 11:04:10 举报
管理
[FACE周刊第189期]港女獵物 巨聲筍盤 8千萬家底 牙醫校花餵飽許廷鏗
 

25/12 6:00pm食殘廢餐
港大同學 Mildred Wong(圖左)
聖誕節當日,許廷鏗出席完活動就立即去窩打老道搵一早企定等佢嘅女友 Mildred,其間女友仲餵朱古力手指畀一手都係 fans禮物嘅許廷鏗食,廷鏗話:「我哋係同學咋!餵嘢食好平常啫!」
 
有「將軍澳吳尊」之稱嘅無綫《超級巨聲》一幫許廷鏗( Alfred),算靚仔又唱得兩嘴,今年被無綫力捧出碟,一幫之中算撈得最掂。
本身喺港大讀牙醫的 22歲許廷鏗,靚仔只係表面,最勁係許生父母原來坐擁近 8,000萬資產,富爸爸大把貨,本刊日前(上月 25日)更發現許廷鏗拖住同班女友上樓勁甜蜜,有錢靚仔又有女,港男公敵都算呢種咯!
今年無綫重點力捧,除有巨肺小天后林欣彤(阿 Mag)外,仲有同樣係《巨聲》出身嘅許廷鏗( Alfred),成班《巨聲》一幫得佢有份攞早前優秀選的金曲獎項,擺明落重佢注。
 
瞞同學拍拖

曾聲言已同女友分手嘅許廷鏗,本刊於上月 25日發現佢同一清純少女齊齊行街 shopping,聖誕日喺街頭浪漫互餵朱古力手指,之後兩個仲孖住返回由許廷鏗和其胞兄持有、位於銅鑼灣希雲街市值 350萬的寓所繼續溫馨。據知許廷鏗女友洋名叫 Mildred Wong,與許同為港大牙醫學系同班同學,由於樣貌甜美笑起來有兩個小酒凹,故有系花之稱,據許廷鏗身邊人說:「 Mildred份人好開朗,喺學校係活動搞手,份人好 talk得,同 Alfred兩個喺學校已經雞啄唔斷孖公仔咁,不過佢哋唔認拍緊拖,同學都唔知佢哋撻着咗 o架!」
除有同學做女友,據知有唔少女粉絲為許廷鏗而刻意入讀港大護士課程,只為博見偶像。



暗拖手仔
雖然當街唔方便有太親密接觸,不過校花都有唔覺意掂吓許廷鏗手仔,唔係個個都好似 G.E.M.咁熱情嘅。 



7:00pm超市拍拖
兩小無猜搭巴士過銅鑼灣,再去超市掃牛排,買咗 80幾蚊,似準備二人世界多過開 party喎!
 


8:30pm買餸上樓
買完餸許廷鏗孖住女友上跟胞兄共同持有的銅鑼灣希雲街嘅物業,資料顯示該物業是他跟兄長於 07年買入, 18歲便有樓揸手,但許說:「嗰日仲有其他同學喺上面玩,嗰度唔係我屋企!」



唔見有走
話開 party,但其實由晚上 8點半回家後直到深夜兩點,仍未見兩位步出,唔通真係唔使瞓定係有後門呢?

 

有樓揸手
 


成日都咁做 o架啦!(真實對白)
早前本刊問到許廷鏗聖誕有女陪,許就話大家同學餵吓嘢食好平常,唔通少爺仔俾人餵慣晒?
 
稱父多瓣數

記者事後問許廷鏗有女友兼有熱血 fans時,許廷鏗說:「大家同學啫,成日都咁做 o架啦,我同其他同學都係咁 o架,仲有其他同學喺上面嘅,聖誕節開 party好正常啫,我都知有 fans入大學想見我,但我希望佢哋唔係淨係追星,其實考多張文憑喺身,有一技之長,對將來都有好處。」
除靚仔多女溝,據知許父許義鏞身兼「香港腎臟基金會」副主席外,從商嘅許父亦精於炒樓,多年嚟炒樓已淨賺 3,000萬,現時許家仍持有近 8,000萬物業,但對屋企有米,許廷鏗卻刻意低調:「爸爸係從商,佢一向做好多瓣生意,但我唔係好知佢做乜職位!我唔識投資,淨係鍾意唱歌咋!」搵錢等老豆做,你繼續為理想得 o架喇!
 
富爸爸炒樓勁

許廷鏗唔只靚仔又唱得,屋企仲大把貨,佢阿爸原來就係「香港腎臟基金會」副主席許義鏞,熱心公益之餘,許廷鏗父母早在 96年開始炒樓炒工廈,齋炒樓已經淨賺 3千萬,許家現仍持有 5個物業市值近 8,000萬,富爸爸生財有道,許廷鏗出錢捧自己都仲得!



許義鏞
《蘋果日報》圖片




《巨聲 1》唔旺女

TVB捧到林欣彤上天,但《巨聲》一幫班女仔好似冠軍何紫慧、鄧小巧和駱胤鳴等卻冇晒影,但男子組先有 Super 4(許廷鏗、林師傑、劉威煌、陳鴻碩)出組合碟,之後許廷鏗又將出個人專輯,再推孖仔(周志文、周志康)拍完康泰廣告再跟住汪明荃同鄭嘉穎拍《居家兵團》,唔唱歌都起碼入到屋,班姊妹要爭氣啲喎。
 

孖仔拍劇
大細孖周志文和周志康(紅圈)有份拍住鄭嘉穎同阿姐拍劇,算係開始入屋。《蘋果日報》圖片



富貴仔攞獎
許廷鏗喺第三季優秀選已經憑 K歌〈我的離開也是愛〉奪得金曲獎, TVB擺明畀位佢上。
 
採訪、撰文、攝影:娛樂組
   本贴于 2011-01-06 22:14:25 被【鱼语】修改
网易论坛,天天相伴
爬过多少座山坡 笑看日出日落
zhangs_wh zhangs_wh 发送消息
等级:
花花花

积分: 30736

发帖: 74857 篇

在线时长: 1151 小时

4楼   2011-01-06 11:05:35 举报
管理
[FACE周刊第189期]冇運行 叱咤失威 勁歌凍過水 黑面古巨基 最後談判
 
攞《勁歌》「最受歡迎男歌手」獎實際啲!(設計對白)
相比 Eason贏得五獎,只有兩獎嘅古巨基在台上唔只冇乜笑容,連在慶功宴亦只逗留到影完大合照即閃,好行喎!

上週六元旦日,樂壇第 2張成績表《叱咤樂壇流行榜頒獎典禮》,在商台全力護航下,同 TVB仲未傾掂數嘅「四大唱片」歌手照舊有運行,陳奕迅( Eason)繼續做大贏家勇奪五獎,兼第 7度攞「男歌手金獎」。此消彼長,英皇古巨基即變炮灰,僅得「男歌手銅獎」及「叱咤十大第 8位」兩獎,古 sir落到商台手中變魚蝦蟹,難怪基仔全晚面黑交唔出戲!
連最有希望嘅勁歌「最受歡迎男歌手獎」,傳將由 TVB親生仔兼同門林峯截糊,據知基仔不容有失,積極?陳總陳志雲密斟,作最後衝刺絕地反擊!
本來 TVB同四大唱片( HKRIA)因版稅問題而鷸蚌相爭,以為喺頒獎禮可以坐收漁人之利嘅古巨基,在「叱咤」只憑歌曲〈時代〉奪「叱咤十大第 8位」及「男歌手銅獎」,排名更於後輩張敬軒(「男歌手銀獎」)、周柏豪(「叱咤十大第 6位」)之後,人前勁失威。
 
09年 12月,陳總於 TVB.com嘅 blog貼上同古巨基飯聚嘅相,上年無綫《勁歌》男歌手獎正正由基仔奪得。

 
我恨攞「我最喜愛的女歌手」獎 o架!(真實對白)
Joey雖然四度冧莊奪女歌手金獎,出道十年前後攞過六次已經夠威水,但始終在靠樂迷投票的「我最喜愛的女歌手」再輸畀千嬅而唔服氣。

 
商台寵兒楊千嬅已經前後攞過五屆「我最喜愛的女歌手」獎,連謝安琪 08年都攞過,難怪攞獎無數嘅 Joey都恨到出面:「我同呢個獎一向冇緣分,其實我都恨攞,恨係因為想林海峰頒獎畀我,佢只頒呢個獎咋!」

 
在現場投票選出嘅「叱咤樂壇我最喜愛的歌曲」獎由 Eason嘅〈陀飛輪〉以超過 4000票奪得, Joey嘅〈破相〉一半都冇,公布賽果時搞到 Joey冇晒表情。
 
唔出力爭

分得兩個細獎已經劣勢,基仔仲被「死敵」 Eason拋離,上到台只能皮笑肉不笑講句:「做音樂最快樂唔係攞獎,而係可以用歌曲同專輯做啲有意義嘅事!」連多謝商台同英皇都慳番!
「基仔好唔開心,估唔到公司只幫佢爭到兩個獎,仲要只分到啲餅仔!」知情人士透露:「基仔覺英皇一向偏心 Joey,本來基仔對今年隻大碟(《時代》)好有信心,覺得可以有好好成績,但公司又唔出力幫手爭獎喎!慶功宴一完咗,佢即刻打畀吳雨大哥詐晒型!」
慶功宴上當基仔被問及只有兩獎滿唔滿意時,佢對記者話:「開心並非係嚟自得獎,反而係冇遺憾做咗張好滿意嘅唱片!」
 
基仔同 Joey都恨攞嘅「我最喜愛的歌曲」則由 Eason嘅〈陀飛輪〉奪得,唔怪得當問到基仔信唔信環球以獎換 Eason續約時話:「我唔係當事人唔講太多,但心中有數有幾多係真、幾多係假。」

 
啱啱過去嘅《新城勁爆頒獎禮 2010》頒咗超過百個獎項, no show嘅古巨基竟然只得兩個獎,分豬肉都冇肉食呀陰功!
 
微博懶提 

位位歌手都喺微博講「叱咤」,偏偏古巨基提都唔提,淨係回覆台灣組合「 LOLLIPOP F」(前身棒棒堂)成員威廉嘅留言同 post雷頌德孻仔嘅片段,似乎耿耿於懷喎!
密斟志雲

之前基仔缺席新城而只得兩獎,加上英皇又退出港台頒獎禮,要在獎項「含金量」上贏 Eason,惟有瞄準無綫「最受歡迎男歌手獎」。但有傳六嬸方逸華為谷愛將林峯做入行最快奪得此獎嘅歌手,基仔隨時只獲神枱獎「亞太區最受歡迎香港男歌手」獎。為保尾會,據知基仔已相約志雲大師飯局補飛傾條件,務求「男歌手獎」袋袋平安!
 

加入樂壇只有 3年嘅林峯,在六嬸「加持」下於去年初首奪「亞太區最受歡迎香港男歌手」獎,今年更有意藉此封王畀佢做「最受歡迎男歌星」,隨時爬大師兄古巨基頭。
得把口

叱咤頒獎禮向來以歌手真情流露為賣點,今年一樣唔少得得獎歌手嘅感人致辭,仲有唔少令人爆笑同滴汗嘅場面添。
周柏豪 o靚界受 

首次有歌得獎嘅周柏豪以「黑色小丑嘴」造型上台,自爆 7年前有情緒病,仲話:「當年我都係同女朋友換飛睇叱咤,坐喺好遠、遠到摸到塊牆 o架,我仲用自己錢買嘅相機 zoom近去影陳奕迅個背脊,我已經好開心啦,估唔到今日到我企喺個台度。」
謝安琪囂過頭 

港大畢業嘅謝安琪成日講嘢出事,今次攞「女歌手銀獎」時喺台上話:「我被(選傑青)評審問,『其實你讀咁多書,談吐又幾得體,你好有理想,但點解你會做歌手嘅?』」咁樣曲線讚自己,唔只台下歌手 O晒嘴,喺觀眾席仲立即傳出噓聲添。
Wyman玩唔起

商台在頒創作大獎時,搵嚟小克創作咗一段「四台唔頒」動畫,在宣布「填詞人大獎」時仲攞咗林夕同黃偉文嘅性向嚟玩:「原來林若寧係男人,又係喎!咁林夕、 Wyman呢?」全場爆笑,可惜 Wyman唔多欣賞囉!
 
 
 

採訪、撰文:娛樂組
网易论坛,天天相伴
爬过多少座山坡 笑看日出日落
zhangs_wh zhangs_wh 发送消息
等级:
花花花

积分: 30737

发帖: 74857 篇

在线时长: 1151 小时

5楼   2011-01-06 11:07:20 举报
管理
[FACE周刊第189期]明星家族 激似黃光亮家族 林峯妹極品
 

亞太最強的林峯衣錦還鄉,搶晒新郎新娘鏡,唔只被親朋狂捉住影相,還有賓客偷拍現場情況放上微博。網上圖片

貴為「亞太區最受歡迎男歌手」、今年再開個唱向紅館三「年」冠進發、兼且是影視界的最受歡迎男角色, 31歲林峯其實仲有個身家 20億人民幣、人稱「廈門李嘉誠」的超級富豪爸爸林華國。
紅到連脊椎移位都要頂硬上開工的林峯,上週三(上月 29日)史無前例向劇組請假一日,原來係寶貝妹林蔚殷出閣的大喜日子,勢估唔到出名全電視台最靚仔的林峯,胞妹竟然有黃光亮、王祖藍「父子」的影子。
剛剛勇奪「我最喜愛男角色」又公布話明年再登紅館的地上最強小生林峯,最近人在上海密鑼緊鼓拍攝緊內地劇《廣告風雲》,唔只緊事業,其實都好緊屋企人﹕「我係大仔,爸爸身體一向唔好,只要佢講一句說話,我會放棄圈中事業返去幫佢。我好自豪自己,供細佬妹讀完大學,細佬鍾意做生意,細妹就讀會計,全靠佢哋兩個,我至可以放心發展自己事業。」難怪人仔親都唔夠胞妹親,出名專業的林峯更為妹妹破例向劇組請假一日,上週三專程趕回老家廈門出席妹妹婚禮。



24歲的林峯妹英文名 Regina,在社交網站放上不少與老公仔甜蜜合照。雖然是親生兄妹,但 Regina就同父親林華國生成餅印,冇忽似哥哥。網上圖片



網友週一在討論區上激評林妹妹,有人話似扮女人勁嬌俏的王祖藍、有人更話似同王祖藍餅印一樣的黃光亮。






 
 
 






林峯百忙到場更為妹妹婚宴上獻唱兩首首本名曲,妹妹感動賓客更 high到似睇演唱會。
 


現場四處是新郎孫佳宏與新娘林蔚殷婚照,不過據悉該晚是女家宴客,出席的大部分是女家親友。網上圖片
 


網上圖片
 
網友熱話
 

吹亂 chok頭
出名貪靚的林峯被寒風吹到面容和髮型都變晒形。
 
婚禮後,媒體紛紛報道,林家親友亦微博婚禮盛況,喜氣洋洋嫁女的林爸爸、林媽媽、林弟及新娘子林蔚殷都一一曝光,其中以新娘子的外形最獲網友關注。
網友反應一致,認為林蔚殷與哥哥林峯的外形並不相似,反倒像扮女人極嫵媚的王祖藍、甚至網友惡搞誤傳的王祖藍「失散親父」黃光亮。
歌聲賀妹

廈門首富嫁女,酒席有血燕、佛跳牆、龍蝦、東星斑,設宴七圍酒席於廈門排名第一的酒店海悅山莊、費用多達 12萬人民幣排場已經是廈門最豪,更威盡廈門當然是紅遍亞太的長子露面,當場獻唱〈 Morning Cute〉及〈如果時間來到〉兩首歌曲,不但林父林母老懷安慰,連新娘子亦被大哥感動得眼濕濕。有個富爸爸又有個紅大哥,仲搵到個真心愛自己嘅好老公,林妹妹認真幸福。
 
林公子又有新北妹

賀完胞妹,林峯漏夜趕回上海,上週五在零下三度現身商業大廈 25樓天台趕劇,被寒風吹到頭髮凌亂、 chok樣凍到僵硬,一樣毫無怨言臨走還滿足 fans願望一一合照簽名。出身富貴的林峯往年被報道無論在北京定杭州,都有省鏡貼身助手按摩服侍,今次上海又有一個喎!



上海小儀
上海的貼身助手貌似 DJ阮小儀,羽絨款式勁似 4年前月薪 2,000、但貼身又貼心為林峯按摩的杭州助手美美。



北京 Stephy
4年前在北京拍攝《歲月風雲》,林峯換上一名更省鏡貌似鄧麗欣的女助手,二人連日雙雙對對夜遊,關係親密。《忽然 1周》圖片



杭州美美
5年前在杭州拍攝《太極》期間,美美扮潮自己服侍貪靚主人林峯。
 
變靚 D大哥

林峯是家中老大,對下有一妹一弟,林峯在林家一枝獨秀,最難得是入行以來人愈紅樣愈俏,呢啲咪得天獨厚囉。



塌鼻 BB
 


餅印母子



籃球少年



藝訓娘樣
 


Chok盡娛圈
 
撰文:娛樂組
   本贴于 2011-01-06 12:49:39 被【zhangs_wh】修改
网易论坛,天天相伴
爬过多少座山坡 笑看日出日落
zhangs_wh zhangs_wh 发送消息
等级:
花花花

积分: 30738

发帖: 74857 篇

在线时长: 1151 小时

6楼   2011-01-06 11:08:26 举报
管理
[FACE周刊第189期]FBI File 高海寧 K.O.周秀娜
 

「三巨乳」難得聚首一堂,娜姐就玩密實封胸、梁政珏件衫就唔夠高海寧性感,二人玩讓球,夾出「人」字形心口嘅高海寧贏晒!
除夕晚, FBI專登去咗奧海城倒數,一嚟貪唔使喺街食風,仲有周秀娜( Chrissie)、高海寧、梁政珏、苟芸慧一班咪精波神傍住,夠晒暖笠笠又醒神!
本來 FBI剝定花生諗住睇「 TVB咪神 Vs 32D女神」,點知娜姐件衫包到上頸、淨係晒腿,高海寧就醒喇,着住超 deep V拉丁舞衫出場, 34D波技術性擊倒娜姐 32D密實胸。
輕鬆 K.O.娜姐,高海寧謙虛話贏對方都係娜姐放水:「 Chrissie今日好密實啫,佢嘅性感唔只身材方面,眼神同動作都好性感,佢係我師姐!」摑完一巴請你食番粒糖,抵你上位嘅。






不過倒數到 2011元旦,二人即攬埋一嚿,交戲啫。
 
撰文、攝影: FBI
報料熱線: 2623 9178
   本贴于 2011-01-06 12:51:57 被【zhangs_wh】修改
网易论坛,天天相伴
爬过多少座山坡 笑看日出日落
zhangs_wh zhangs_wh 发送消息
等级:
花花花

积分: 30739

发帖: 74857 篇

在线时长: 1151 小时

7楼   2011-01-06 11:09:12 举报
管理
[FACE周刊第189期]FBI File 玩乜 apps 排骨仔操反應
 

練開大聖劈掛嘅敖嘉年,玩 app都鍾意玩一啲可以「郁手郁腳」嘅 game,佢同 FBI講:「好多 app都係朋友 forward畀我玩,呢個『 eBoy FixPix』( US$0.99)雖然出咗有半年,但我最近成日玩,只要郁部 iPhone,扭嚟扭去,將散開嘅畫面重組番,唔只可以練眼力仲要用腦諗 o架!」嘉年仲即場示範,唔使 2秒 K.O.一幅圖,反應果然快咗好多喎!
 

 

撰文: FBI
報料熱線: 2623 9178
   本贴于 2011-01-06 13:01:55 被【zhangs_wh】修改
网易论坛,天天相伴
爬过多少座山坡 笑看日出日落
zhangs_wh zhangs_wh 发送消息
等级:
花花花

积分: 30740

发帖: 74857 篇

在线时长: 1151 小时

8楼   2011-01-06 11:11:01 举报
管理
[FACE周刊第189期]星座達人 去邊旅遊可增運?

1月 5至 11日預測:還有 1個月就到農曆新年,考慮外遊的人士是時候做定計劃,今週不如介紹各星座到那裏外遊可增運吧!
白羊座最好去埃及;金牛座不妨到印尼一遊;雙子座宜去美國;巨蟹座最夾中國大陸;建議獅子座去西班牙一行;處女座最好去俄羅斯觀光;天秤座與法國最有緣;天蠍座可到瑞士睇靚景;人馬座宜到美國一遊;山羊座跟日本最夾;水瓶座宜去意大利欣賞靚人靚景;雙魚座只要到東歐任何一個國家都可增運。

 
本週 NO.1
處女座
24/ 8- 23/ 9
今週宜作出新挑戰。 5日屬暢順日,宜實行一直放在心中的計劃。 9、 10日如轉職、開店或創業會出現大契機,但今年 6月是處女座的大運年開始,如開店或創業的計劃,可留待到時才大展拳腳; 5、 9、 10日宜為創業等計劃做好詳細的準備。任何事做足準備工夫,將來不難過得有意義。
幸運日 5、 9、 10日達成目標機會大
黑仔日 6、 7、 8日注意小錯誤
幸運物 背心

 
本週 NO.2
山羊座
23/ 12- 20/ 1
5日是一年只得 24日其中一天的暢順日,如有希望不單要講出口,更要積極實行,因世事變化無常,宜把握時機達成夢想。 6、 7、 8日運勢急轉,任何事要慎重處理。 9、 10日行中吉運,如於 5日有做不完的工作,宜於該兩天辦妥。 11日屬凶日,任何事不宜主動進攻。今週有持續意外運出現。健康方面,注意扁桃腺紅腫及發炎。
幸運日 5日得心應手
黑仔日 11日恐防遇上暴風雨
幸運物 太陽眼鏡
 
本週 NO.3
雙魚座
20/ 2- 20/ 3
今週愛情運暢順,單身人士如時間許可,不妨多外出。 5日預測遇上有性格的異性,穿上比較男仔頭的牛仔褲有助招緣。預測 6、 7、 8日會結識令人感覺舒服的異性,宜穿上附有喱士的外衣出街。 9、 10日預計會在偏高的地方出現戀愛運,不妨到山頭一行。 11日開始愛情運下降,如欲拍拖不妨早幾天找姻緣吧!
幸運日 9、 10日宜多嘗試
黑仔日 6、 7、 8日宜少談話多做事
幸運物 中性服裝
 
本週 NO.4
金牛座
21/ 4- 21/ 5
5日屬暢順日,有實現夢想的好機會,不妨積極行動,當日亦有命中注定的戀愛出現,建議你穿上淺灰色或杏色連身裙外出,化妝及唇膏方面,宜揀選粉紅系列,到時好大機會遇上你心儀的對象。 6、 7、 8日是凶日,萬事不宜與運勢作對抗。 9、 10日行中吉日,之前未能辦完的工作宜於該兩天處理。 11日行小吉運,預測有貴人出現。
幸運日 5日為理想努力
黑仔日 6、 7、 8日諸事不順
幸運物 針織連身裙
 
白羊座
21/ 3- 20/ 4
今週平均運勢不佳,如安靜過渡便可過關,不過下週運勢急升,宜忍耐一下。 5日是 2011年上半年最大級凶日,要慎言,別對朋友或同事發出過激言詞,宜少說話多做事。 6、 7、 8日行中吉運,預測工作比較穩定,重要事情宜於該 3天處理。
幸運日 11日宜留餘地
黑仔日 5日難逃虎口
幸運物 背心
 
雙子座
22/ 5- 21/ 6
今週運勢偏差,凡事偏向負面,但這是你的運勢,思想要盡量正面,最好任何事也不想,讓自己休息。 5日多阻滯,如有不如意事,請嘗試深呼吸,避免感情用事。 6日開始愛情運上升,預測會引起異性注目,宜每日多加心機扮靚外出。 9、 10日屬凶日,預測會去錯地方,凡事盡量用紙筆記低。 11日行中吉運,預測會與友人的朋友結緣。
幸運日 6、 7、 8日中環一帶有艷遇
黑仔日 9、 10日恐防自討苦吃
幸運物 紅色飾物
 
巨蟹座
22/ 6- 22/ 7
預測 5日會與美型外形頗佳異性結緣,如梳上鬈曲髮型出街,可會被男性上前搭訕。 6、 7、 8日更會與性感兼熱情的男士結緣。 9、 10日預測結識外國人的機會大,不妨多加打扮發揮魅力吧! 11日屬凶日,宜早點返家休息,好好補充體力。工作方面, 5、 9、 10日機會降臨,宜轉職或開鋪。
幸運日 5、 9、 10日到新蒲點碰姻緣
黑仔日 11日凶日宜留家
幸運物 猄皮服裝
 
獅子座
23/ 7- 23/ 8
今週被寂寞圍繞,但到了下週,一切便回復正常, 8日開始戀愛運便會上升。 5日預測會出現重複錯誤,難免會有挫敗感,切記做任何事必要核對清楚。 6、 7、 8日出現戀愛問題,愛侶可能令你生氣,但別發脾氣。 9、 10日工作上亦遇難題,可能會被上師責罵,但切忌洩氣。 11日是吉日,一切將會順暢進行。
幸運日 11日預測到尖沙咀有艷遇
黑仔日 9、 10日要填補過去的錯誤
幸運物 鏈墜飾物
 
天秤座
24/ 9- 23/ 10
現仍處於凶月中,要待下週運勢才回升。 5日是今年上半年最大厄日,更被意外運侵入,恐防會於家中受傷,要小心度過。 6、 7、 8日屬吉日,宜處理重要事情。 9、 10日預測會出錯,可能會發生自己解決不來的事情,要提醒自己千祈咪出錯。 11日行吉凶混合運,在運勢不佳時,通常運氣都偏向差方面,記住凡事不熟不做。
幸運日 6、 7、 8日宜處理重要事
黑仔日 5日恐防被前後夾攻
幸運物 熱鮮奶
 
天蠍座
24/ 10- 22/ 11
人氣持續高企,預測 5日會遇上有才能的知識分子。 6、 7、 8日屬凶日,宜畀心機努力工作,但該 3日亦會與住家型人士結緣,因處於凶日的關係,萬事別任主動,如對方誠意邀請你約會就冇問題。 9、 10日會與性格開朗又可信賴的人結緣,如你穿上閃亮服裝,更可助發展。但 11日愛情運下降,要趁姻緣運好的時期把握機會吧!
幸運日 9、 10日工作出成果
黑仔日 6、 7、 8日恐防事事碰釘
幸運物 手提電話
 
人馬座
23/ 11- 22/ 12
今週穩定度過。 5日留在辦公室機會大,不妨執拾文件。相反 6、 7、 8日外出工作機會大。 9、 10日屬凶日,工作上要安排好優先次序。 11日屬暢順日兼且愛情運上升,預測會遇上性格相近的異性,穿上今年流行的格仔恤衫,再配上爽朗的馬尾髮型,更凸顯你的青春感,到時你的魅力,必令對方着迷。
幸運日 11日百發百中
黑仔日 9、 10日恐防老貓燒鬚
幸運物 付碎布連身裙
 
水瓶座
21/ 1- 19/ 2
今週運勢比較穩定,但 5日恐防出現小風波,切忌猶豫不決,如事情可在當天解決便盡早處理。 6、 7、 8日屬暢順日,宜跟客人傾生意。 8日起愛情運回升,請盡量利用運勢,爭取戀愛機會,預測會在音樂廳等地方出現戀之預感,到時宜穿上付絲帶的衣服,更可增強姻緣運。健康方面,要小心足部受傷。
幸運日 6、 7、 8日事事暢順
黑仔日 5日意想不到的事發生
幸運物 寶石飾物
 

本欄作者(洋名 Irene),主力負責日本體育報紙《產經新聞報》每日星座運程,她亦曾是女性雜誌《女性自身》、《 JJ》時裝雜誌星座專欄家。 Irene曾算中世界盃優勝國家,甚至雅典、北京兩屆奧運會日本柔道選手的勝敗。現於《產經新聞報》( http://www.sanspo.com/)裏的「每日占卜」、《 Fuji晚報》於逢週五刊載的「 Irene之占星術×風水」及《女性自身》中「一摘千金占卜」撰寫專欄。她的個人網頁中( http://irene.ne.jp/blog)亦每日 update她的「 Lucky Lunch」連載。
註: 12星座因為派別學說的問題,在日期上的區分有一天差異,如你剛巧誕生在邊界日期,不妨把前後兩個星座運程預測作參考。

統籌:黃興健
翻譯:何家文
   本贴于 2011-01-06 11:13:01 被【zhangs_wh】修改
网易论坛,天天相伴
爬过多少座山坡 笑看日出日落
25771 浏览 7 回帖  
帐号: 密码: 注册
手动保存 | 恢复内容 | 清除内容
如何用手机快速回复?
验证码 ()
看不清,换一张 点击换一张
回复本帖
注册通行证
忘记密码?
取消