网易首页-新闻-体育-NBA-娱乐-财经-股票-汽车-科技-手机-女人-论坛-视频-博客-房产-家居-教育-读书-游戏-微博 |
Rss
zhangs_wh zhangs_wh 发送消息 TA的微博
等级:
果

积分: 29392

发帖: 74945 篇

在线时长: 1493 小时

只看楼主 楼主    2011-06-27 16:56:07 举报
管理
打印

[忽然一周第830期]爆鄧健泓龔嘉欣秘密結咗婚

[忽然一周第830期]娛一叮 爆鄧健泓龔嘉欣秘密結咗婚



一齊冧笑
龔嘉欣上車後,鄧健泓即發現記者,仲校低窗大方任影。記者上前問兩人是否已秘密結婚,鄧健泓只說:「唔好跟我啦!」而龔嘉欣只懂甜笑。

身為陳志雲愛將嘅鄧健泓,自 09年與拍拖 4年嘅李詩韻分手後,即火速搭上年輕 16年、只有 22歲的「四葉女」龔嘉欣。兩人拍拖 2個月,女方已極速搬到男友位於深井碧堤半島寓所同居。
最近有消息指,鄧健泓與龔嘉欣去年底已秘密結婚,兩人靜雞雞搬去荃灣築愛巢,更有鄰居踢爆鄧健泓喺電梯大堂嗌龔父母做「岳父岳母」。鄧健泓舊愛李詩韻一聽到前度極速拉埋天窗,即酸溜溜暗寸:「佢年紀咁大,都係時候結婚啦!」
一直有指鄧健泓有無綫總經理陳志雲撐腰,故在無綫有不少演出機會,陳總出事前,鄧健泓更公開叫陳總做「 Honey」。雖然鄧健泓先天條件有限,多年來都做唔到一線小生,但歷年來所交的女友同屬有學識、有樣有身材一族,好似原子鏸、李詩韻同現任女友龔嘉欣,都臣服於他的腳下。
今年 22歲的龔嘉欣,出道後只與譚詠麟契仔關楚耀傳過緋聞。 2010年初,鄧健泓與龔嘉欣合作拍電視劇《隔離七日情》迅速撻着, 38歲的鄧健泓即與拍拖兩個月的嫩口龔嘉欣共賦同居,將女友全面私有化。



刨劇本等老公
5月 24日下午 3時許,連日為處境劇《誰家灶頭無煙火》趕戲的龔嘉欣,難得一日收早,鄧健泓即駕車到將軍澳電視城接她。等車嚟接期間,龔嘉欣爭取時間刨劇本。






本刊收到消息,指鄧健泓與龔嘉欣去年底秘密註冊結婚,低調到連結婚相都冇影,就等本刊幫佢哋模擬一張啦!(模擬照片)



李詩韻
佢年紀咁大,都係時候結婚啦!(真實對白)
 
鄰居聽到叫岳父
 


龔嘉欣
結婚呢啲嘢,問鄧健泓啦!(真實對白)
 
去年 7月,龔嘉欣被影到出入男友寓所,她被記者追問時大方承認與鄧健泓拍拖,更大讚男友細心又錫佢,絕對係好男仔,估唔到去年底兩人更秘密結婚。知情者透露:「龔嘉欣雖然細鄧健泓 16年,但佢思想同行為都好成熟,唔鍾意出街玩,寧願留喺屋企煮飯俾男友食,有邊個男人唔冧 o架?嘉欣喺大陸住嘅父母最初都反對佢哋來往,但鄧健泓好識討老人家歡心,表面上又好修心養性,終於令兩老接受佢。去年底兩家人食咗餐飯,咁就秘密結咗婚喇!圈中真係冇乜人知。」
鄧健泓秘娶龔嘉欣後,即搬去荃灣樂悠居。最近有鄰居報料,指今年農曆新年期間,親耳聽到鄧健泓稱呼龔嘉欣父母為「岳父岳母」:「睇過娛樂新聞都知道佢哋兩個拍緊拖,仲成日見佢哋落街買餸出雙入對?!今年過年撞到佢哋帶住一對老人家返屋企,鄧健泓仲非常細心撳住電梯門,好親切咁叫『岳父岳母呢邊呀!』。佢咁嗌係人都知兩位老人家係龔嘉欣父母啦!」

為事業要低調

據知龔嘉欣父母長居於深圳,新年期間來港主要是看看女兒的新婚生活是否愉快。鄧健泓與龔嘉欣對秘密結婚已有共識,最近龔嘉欣更備受無綫力捧,為了女方事業,兩人決不會鋪張大搞。
5月 31日,龔嘉欣為處境劇《誰家灶頭無煙火》開工,回應已婚一事時,她反應頗大,「我結咗婚?我太細個喇,今年先得 22歲……我哋仲想為事業努力,我希望 27歲可以實行結婚呢件事。(有鄰居聽到鄧健泓叫妳父母做岳父岳母?)我爸爸的確係新年時嚟過。結婚呢啲嘢都係問番佢啦!」記者致電鄧健泓,至截稿前都未有回覆。
至於曾與鄧健泓拍拖 4年的李詩韻,回應舊愛火速結婚時,直言雙方無聯絡,「我都會恭喜佢,佢年紀咁大,都係時候要結婚啦!我仲搵緊好男仔。(鄧健泓係咪好男仔?) um.........佢都係嘅,不過我仲搵緊好男人。」舊愛結婚,自己仲未有着落,難怪李詩韻酸溜溜啦!

甜蜜新婚生活

鄧健泓與龔嘉欣經常把生活照放上微博,大晒幸福的新婚生活。



煮飯箍老公
只有 22歲的龔嘉欣,一有時間就下廚整幾味,無論中餐或西餐,就連甜品都難佢唔到。



慶拍拖紀念
今年 4月中兩人拍拖一周年,雖然當日龔嘉欣要開工,但收到鄧健泓送嘅花,甜到漏。






情人節大餐
情人節當晚,兩人留在家食情人節大餐。龔嘉欣絕對係入得廚房,出得廳堂的好老婆。



孭老婆剪影
以往拍拖都愛得鬼祟的鄧健泓,今次非常公開,不時在微博打情罵俏,仲以大魔頭同小魔怪來互相稱呼。






共養愛犬
鄧健泓養了兩隻一灰一白的玩具貴婦狗,龔嘉欣愛屋及烏,不時上載攬狗相上微博,仲話開工時好掛住愛犬。
 
老婆當紥



龔嘉欣近年備受無綫力捧,除了正在出街的處境劇《誰家灶頭無煙火》外,早前更與馬浚偉合作拍古裝劇《紫禁雷驚》及已開拍的《拳王》,一劇接一劇,人氣急升。

老公當 Dum



鄧健泓雖然係陳總愛將,但自 3月拍完《飛虎》後,手上工作只有主持一星期一集的《寵愛有家》,工作量不多。

撰文:娛樂組
攝影:攝影組
网易论坛,天天相伴
镖跟靶的每次分离都是为了能够再一次重回靶心!所以,等待……
zhangs_wh zhangs_wh 发送消息 TA的微博
等级:
果

积分: 29395

发帖: 74946 篇

在线时长: 1493 小时

2楼   2011-06-27 16:59:18 举报
管理
第 830 期 忽然1周
 
娛樂

大封面 忘年異國戀 林敏驄南灣野戰俄妹
娛一叮 成立3億教育基金 徐子淇獨子單挑大伯三胞胎
娛一叮 先飛德國 栢芝帶子加國會娘家
娛一叮 爆大S撬牆腳 保齡胸呂婉柔:我不是第三者
娛一叮 台灣醜之旅 是非大熱3號許亦妮惡鬥國產巨胸10號李天縱
娛一叮 變賣上海物業 吳綺莉帶小龍女返港定居
娛一叮 爆鄧健泓龔嘉欣秘密結咗婚
媽咪姐手帳 花旦小生出庭 志雲好頭痕
媽咪姐手帳 靚靚俾仔蝦
媽咪姐手帳 冧到暈
媽咪姐手帳 李璨琛搞鬼宣傳
媽咪姐手帳 陳敏之遮醜
媽咪姐手帳 張馨予出賣吳卓羲
媽咪姐手帳 陳小春變小鶉
媽咪姐手帳 滕麗名舊愛 狹路不相逢
媽咪姐手帳 許秋怡輕鬆入閘
媽咪姐手帳 許志安有後勁
媽咪姐手帳 周秀娜魔術手升胸
媽咪姐手帳 白韻琴老露縱橫
媽咪姐手帳 山下智久犯眾怒
媽咪姐手帳 我是一只小小鳥
媽咪姐手帳 舊金剛女肥咗
媽咪姐手帳 米路吉遜有女萬事足
揞名爆 「米曹」變咗怨婦
揞名爆 「高妹」為婚事激嬲「貧國」
揞名爆 「男人婆」衰格嚇粉絲
句句金 句句金

留言集 道道道當奴道……唐劍康
外來語 代表作
名氣街 瘟仔大過天 超雲拒返港度父親節
博出位 父親節微博晒幸福 秋官欣宜破冰

fresh

special 水着熱選
beauty 防曬一take過
weekend 試玩!海洋公園新激流
hots 記者赴洛杉磯E3 Expo 率先玩新Game
health 簡易消暑3食
忽然1周 × Slim Partner 網上有禮

影視資訊

峰So玄理 衰老竇面相 蘇民峰
電視有正嘢 港版《人間交叉點》 陳展鵬孭飛尋《真相》
Movie特區 頭輪好戲 財神客棧

星座

星宿啟示 感情考驗 Jackal

生肖

洛天紫微 鼠 宜以靜制動
网易论坛,天天相伴
镖跟靶的每次分离都是为了能够再一次重回靶心!所以,等待……
zhangs_wh zhangs_wh 发送消息 TA的微博
等级:
果

积分: 29396

发帖: 74946 篇

在线时长: 1493 小时

3楼   2011-06-27 17:03:01 举报
管理
[忽然一周第830期]電視有正嘢 港版《人間交叉點》 陳展鵬孭飛尋《真相》


陳展鵬飾演嘅劉思傑(右),係資深大律師侯伯勤(鍾景輝飾)得意門生,為人低調、富正義感。而表面 hea爆嘅卓少謙(黃浩然飾),實則心細如塵,往往會喺絕境之中搵到致勝關鍵。

不得不歎句,無綫對法庭戲真係情有獨鍾。《怒火街頭》已經係啦,點知接佢檔嘅新劇《真相》又係講律師、講法庭。不過你可以咁講,《怒》係以一個麻甩律師為中心,而《真》呢,係講楊怡、陳展鵬、阮兆祥及黃浩然幾個性格截然唔同嘅大律師,對每單案件背後嘅真相、以及審判過程嘅不同睇法。
對於《真》劇,可以撇除熟口熟面嘅劇情,撇除見慣見熟嘅楊怡。此劇另有一大亮點,就係男一號並唔係上緊位嘅黃浩然,反而係綠葉王陳展鵬。呢個都可算係《真》嘅另一個突破。
陳展鵬 08年重返娘家無綫後,雖然演出過唔少劇集,可惜都只屬二或三號主角,冇一套令佢彈起,直到舊年,可謂時來風送滕王閣,俾監製王心慰睇中,搵佢拍住一姐楊怡,擔正《真相》。難怪陳展鵬自言一方面感激王心慰,另一方面因對手都係阿哥阿姐,壓力好大喎。
25集嘅《真相》,除咗陳展鵬、楊怡、黃浩然,阮兆祥、唐詩詠及黎諾懿幾個主要角色外,其餘李司棋、馬國明、陳茵媺、田蕊妮則係串星,每人客串一、二或三集不等。
《真相》嘅劇情亦唔係慣常嘅連續劇形式,而係每集都有唔同嘅故事。主要內容唔敢話抄,只能話有日本漫畫《人間交叉點》嘅影子啫,因為都係以人性為主。講亦正亦邪、做事鍾意踩鋼線、為勝訴不惜身犯險境嘅大律師劉思傑(陳展鵬飾),專利用法律罅為無辜嘅人脫罪。而佢老友、亦係思傑律師樓業主嘅卓少謙(黃浩然飾),雖擁有大律師資格但又從未上過庭、但為咗討好出身法律世家嘅女大狀康芷欣(楊怡飾),逼住作出零的突破,誰不知竟然喺法庭上贏盡掌聲。但佢哋嘅老友、有「倒霉大狀」稱號嘅韋文瀚(阮兆祥飾)就冇佢哋咁好彩,事關韋嘅仕途歷盡坎坷之餘,仲衰到要靠阿媽接濟度日,之但係唔知撞咗咩邪,一單拗口劖手、外界睇嚟輸硬嘅官司落喺佢手……。
以無綫劇集公式,愛情線必不可少,於是乎往後劇情就會出現楊怡、陳展鵬及黃浩然;唐詩詠、陳展鵬及楊怡嘅三角糾紛。想知點收科?追查《真相》嘞。



韋文瀚(阮兆祥飾)雖然資質平庸,但亦將勤補拙。跟思傑、少謙為出生入死嘅戰友。



康芷茵(楊怡飾)出身法律世家,為人敢言;見習律師潘巧茹(唐詩詠飾),個性爽朗,惟偶爾出現大懵情況,但對法律充滿理想。



思傑阿媽娟(馬海倫飾)知道咗思傑竟然將老竇留低嘅物業轉送咗俾呂珊飾演嘅小三後,遂上門逼小三交還業權,糾纏間雙雙墮樓。



李司棋喺劇中客串三集,飾演長期俾老公(王青飾)虐待嘅可憐女人。


 
近期人氣極旺嘅陳茵媺亦喺劇中客串,飾演俾販賣鹹濕光碟嘅印巴青年強姦嘅電視台姐仔 Iris。



會計師江洛文(馬國明客串)本為潘巧如男友,但被發現替黑幫做假數之餘,更被指為一宗謀殺案嘅幕後策劃。而思傑為其辯護,束手無策之餘更差啲被「釘牌」。
播映日期 6月 27日起周一至周五晚  9:30pm翡翠及高清翡翠台

撰文:姜培綺
网易论坛,天天相伴
镖跟靶的每次分离都是为了能够再一次重回靶心!所以,等待……
zhangs_wh zhangs_wh 发送消息 TA的微博
等级:
果

积分: 29397

发帖: 74946 篇

在线时长: 1493 小时

4楼   2011-06-27 17:10:04 举报
管理
[忽然一周第830期]娛一叮 台灣醜之旅 是非大熱 3號許亦妮惡鬥國產巨胸 10號李天縱
 


肋骨大過胸
本周三( 22日), 14位準港姐到墾丁沙灘拍外景。 3號許亦妮日前首次着泳衣被彈水桶腰,呢日過分縮肚,點知水桶腰變唔走,仲搞到胸扁肋骨突。身為賽前大熱嘅妮姐有樣但輸身材,好彩有大把是非搭夠。

今屆候選港姐得 14個,大熱唔多,由第一次見人開始,都係 3號「大口江若琳」許亦妮玩晒。被傳媒踢爆 14歲開始蒲夜場瘋狂獵仔,連? 11男嘅許亦妮,面對是非醜聞一湧而來,依然可以理直氣壯打死唔認。
上周四( 16日),港姐出發去台灣展開八日七夜外景集訓,離開香港更加好戲連場。許亦妮喺傳媒面前扮友善大方,同佳麗拖住手交戲,但暗地裏大支嘢,要人幫佢擔遮擋太陽。
不過,妮姐喺今趟台灣之旅終遇勁敵,國產佳麗 10號李天縱忽然靠 34.5C豪乳彈起,加上半鹹淡廣東話甚有娛樂性,大有機會取代水桶腰妮姐成為風頭躉。

堅料突圍

去台灣外景前毫不起眼嘅 10號李天縱,自從上周六( 18日)首次着三點式見記者後,其迫爆上圍令佢人氣飆升。本周三李天縱?低身坐上電單車時,美好身材令在場人士睇到目瞪口呆。









老闆傍實
是非精許亦妮係台灣之旅嘅風頭躉,每日都被傳媒圍訪,就連康泰旅行社老闆黃士心都忍唔住走埋去聽料。



阿四擔遮
恃住係傳媒焦點,許亦妮繼續大支嘢。其他佳麗擔遮擋太陽,佢就兩手 fingfing黐遮用,仲不時曬到嘴藐藐?!
 
巨胸謙任抽水
 


擁有 42吋胸肌嘅羅仲謙,身材同一眾佳麗有得 fight,就連國產巨胸 10號李天縱坐佢電單車尾,都忍唔住要摸巨胸謙嘅背肌。

巨雀有反應



佳麗有胸露胸,巨胸謙都唔輸蝕,與 9號麥美恩企喺電單車上拍攝時,佢赤裸上身露胸肌。目不轉睛望住麥美恩擺誘人甫士時,巨胸謙下體竟然離奇「動 L」。乜巨胸謙咁冇定力 o架?

圍埋(目及)仔

喺墾丁沙灘上有唔少 Beach Boy,班佳麗見到猛男都忍唔住狂?,仲圍埋評頭品足?!






象腿甜姐兒



5號梁麗翹相貌標致,本來都係大熱人選,不過佢對水腫象腿加熊腰就認真趕客。

漏奶師奶

13號蔡慧欣俾人彈個樣似師奶,不過佢憑 34.5B上圍成為暴乳港姐,一塊三點式布仔又點遮得住佢驕人嘅上圍。雖然保母發現後即時出手整理(右圖),但整完都係繼續漏奶。
 





胳肋底烏卒卒



15號梁蔚翎個樣唔出眾,諗住有身材搭夠啦!點知着泳衣仲扣分,胳肋底烏卒卒都懶得清潔,咁都可以入圍真係令人費解。

撰文:娛樂組
採訪:廖杞莉
攝影:李啟慰(台灣)
网易论坛,天天相伴
镖跟靶的每次分离都是为了能够再一次重回靶心!所以,等待……
zhangs_wh zhangs_wh 发送消息 TA的微博
等级:
果

积分: 29398

发帖: 74946 篇

在线时长: 1493 小时

5楼   2011-06-27 17:16:12 举报
管理
[忽然一周第830期]媽咪姐手帳 花旦小生出庭 志雲好頭痕


21日,陳總西裝筆挺出庭,他全程面帶笑容,而身旁則有親密戰友王喜傍實。人群中有人高舉「無綫新聞、車衣精神」,寸爆無綫新聞流水作業。

無綫業務總經理陳志雲涉嫌貪污案, 6月 21日正式喺區域法院開審。陳總(陳志雲)被指與助理叢培崑及無綫前巿場及營業拓展主管陳永孫串謀,侵吞利益,喺三個與無綫有關嘅活動中,陳總被指瞞無綫收咗 41萬。佢哋三個在庭上對所有嘅控罪,一概不認。
講真,幾十萬對陳總嚟講,真係濕濕碎。不過,叢培崑同陳總關係千絲萬縷,究竟陳總有冇濫用職權益愛將,就只有佢自己最清楚。現時,陳總上庭後,照樣日日都有返 TVB開會,但因為上庭嘅時間長,佢返到公司都疲態盡露,開會時都忍唔住打呵欠。
無綫中人透露︰「陳總嘅 EQ好高,佢喺公司真係可以做到冇嘢咁,但個攰樣就出晒嚟。其實依家公司上下,個個都自動自覺封嘴。嗰啲要出庭嘅花旦同小生,咪仲忐忑不安,因為佢哋嘅供詞,會直接影響案情,咁有人會驚秋後算帳 o架嘛。」
雖然連日嘅審訊,未有花旦同小生上庭,但周二、三兩日都有六、七十個記者喺現場採訪。陳總呢期嘅風頭,同傳離婚嘅張栢芝,真係叮噹馬頭。



昔日金毛型仔打扮的叢培崑,當日剷短髮型戴上黑框眼鏡,成個 look當堂老成持重。



陳永孫連日被記者追住影, 22日冒着颱風暴雨上庭,樣子頗為狼狽。
 
涉案三個活動



09年 12月翡翠歌星賀台慶
叢培崑及陳永孫涉侵吞了節目製作費達 55萬。



10年 2月《志雲情人節首選》簽名會
陳總及叢培崑涉嫌合謀邀請無綫 5名花旦,免費出席一個獲 30萬贊助嘅商業活動。



10年除夕奧海城活動
去年的奧海城活動中,陳總涉嫌隱瞞無綫,接受叢培崑提供嘅 11.2萬表演費。
 
偕嫩男逛超市



審訊前兩星期,陳總逛尖沙嘴 citysuper。當日所見,他無厘心機,在香口膠的專櫃揀咗十分鐘都揀唔啱心水,最後都冇買。



陳總身邊男性車輪轉。當日所見,有個年約廿多歲的嫩男全程陪他逛超市,兩人買咩都有商有量,關係睇嚟都幾密切。
 
58證人出庭 六嬸口供最關鍵

法庭傳召的 58個證人中,除了涉案的單位,無綫高層如六嬸方逸華、樂易玲及何麗全外,藝人還有佘詩曼、楊怡、黎耀祥、陳敏之、陳倩揚及楊思琦等。



六嬸是無綫揸弗人,陳總有冇知會上級做嘢,她的供詞對案件至關重要。



佘詩曼出席去年的奧海城活動,並撐陳總的出書簽名會,而叢培崑亦因此收到 30萬宣傳費。



楊怡對於自己即將上庭持平常心,對於陳總的同性同居關係或會曝光,她避忌說:「我唔知,私人生活唔關我事,我哋只係工作上合作。」



去年的奧海城活動主辦單位信和,用十六萬元透過叢培崑邀請陳志雲及黎耀祥表演一場「志雲飯局」。



一直有傳樂易玲與陳總各有黨派,控方搵佢做證人,相信可發掘到有利供詞。



一向世界女的葉翠翠,由於供詞大致是以出席「陳總」活動為榮,即使不收錢也不介意。控方見供詞無助於案件,故將她剔出證人名單外。
网易论坛,天天相伴
镖跟靶的每次分离都是为了能够再一次重回靶心!所以,等待……
zhangs_wh zhangs_wh 发送消息 TA的微博
等级:
果

积分: 29399

发帖: 74946 篇

在线时长: 1493 小时

6楼   2011-06-27 17:19:32 举报
管理
[忽然一周第830期]媽咪姐手帳 李璨琛搞鬼宣傳


李璨琛平日都係着住自己品牌嘅 T恤,大收宣傳之效。

喺大銀幕飾演開古惑仔嘅李璨琛,居然喺 TVB套《怒火街頭》成功轉型,飾演一臉正氣嘅社工,套劇收視仲節節上升?。
講到轉型,出身藍田公屋,做過水喉佬嘅李璨琛,近年好低調咁賣潮服做型男,同幾位拍檔開設嘅潮服專門店「 UNITY」仲開到台灣同澳門,連大陸嘅廣州、長沙、成都、大連都有,遲吓仲會喺北京三里屯同青島開分店?,而佢自創嘅品牌 Subcrew嚟緊又會喺北京搞內銷總部,負責內地生產監控。媽咪姐聽聞李璨琛同拍檔呢門生意,每月營業額閒閒哋以百萬計,佢哋嘅終極計劃係專門店開到遍及全中國,真係犀利。早排李璨琛為咗宣傳新產品,仲將自己淋滿藍色油漆嘅相放上微博,幾咁搞鬼。
依家演戲對李璨琛嚟講只係副業咋,之前佢拍《怒火街頭》嗰陣,成日俾鄭嘉穎同林子善、關禮傑取笑,話佢已經做咗時裝界鉅子,又叫佢贊助大家服裝喎。
除咗男服,聽講李璨琛同班 partner仲研究緊出埋女裝潮服。咁大盤生意,睇嚟佢真係唔簡單呀,實行想做第二個沈嘉偉咁喎!



呢個淋到成身藍油的男人咪李璨琛囉,每次拍得唔滿意,就抹乾淨再淋再拍,都咪話唔辛苦。



係咪好有型呢?李璨琛宣傳眼鏡嘅海報,一共拍咗七粒鐘 o架,陰功!佢仲將拍攝過程放上微博?!



這個戴太陽超的側面 look,是李璨琛自己要求的,話有型過拍正面喎。



李璨琛自家品牌 Subcrew by miki的最新太陽眼鏡,剛剛放上銅鑼灣店舖 WOAW出售。


 
李璨琛同拍檔剛剛上月 27日在大連開設潮服專門店。大連乃中國時裝模特兒之都,響嗰度開潮服店,唔慌冇生意啦!
网易论坛,天天相伴
镖跟靶的每次分离都是为了能够再一次重回靶心!所以,等待……
zhangs_wh zhangs_wh 发送消息 TA的微博
等级:
果

积分: 29400

发帖: 74946 篇

在线时长: 1493 小时

7楼   2011-06-27 17:21:20 举报
管理
[忽然一周第830期]媽咪姐手帳 陳敏之遮醜


李璨琛唔聲唔聲賺到盤滿缽滿,周六( 18日),《怒》劇眾演員到酒樓搞祝捷,佢都冇返香港,寧願喺大陸巡舖。至於劇中同佢係一對嘅「索腿天后」陳敏之,呢日就搶晒鏡,佢着住露腰背心加熱褲,一到場已經吸引成班記者追住影。
其間佢不停捽住肚皮吟吟噚噚:「死啦,頭先坐低咗,搞到肚皮成條痕,影唔影到 o架?」女人始終貪靚,後來佢索性用貼紙遮醜,其實敏之露條 42吋長腿同纖腰都贏晒啦,唔講邊個會留意到你條痕吖。



貪靚嘅陳敏之不時捽住自己腰間嗰條紅色痕,幾咁尷尬!



《怒》劇上周創出 35點收視佳績,主角鄭嘉穎專登着條巨股褲 hard sell一下,至於敏之就一於用貼紙遮醜兼宣傳。
网易论坛,天天相伴
镖跟靶的每次分离都是为了能够再一次重回靶心!所以,等待……
zhangs_wh zhangs_wh 发送消息 TA的微博
等级:
果

积分: 29401

发帖: 74946 篇

在线时长: 1493 小时

8楼   2011-06-27 17:26:23 举报
管理
[忽然一周第830期]媽咪姐手帳 張馨予出賣吳卓羲


上星期日( 13日)張馨予嚟香港,吳卓羲接機時,仲幫張把大皮篋搬上佢架百萬 Benz,之後直返何文田帝庭園屋企。

早前, chok神林峯俾北妹潘霜霜嘅私照流出玩殘,估唔到佢好兄弟吳卓羲亦難逃厄運。
話說吳卓羲舊年俾傳媒踢爆佢搭上內地乳牛張馨予,佢當然誓神劈願話冇其事啦,誰不知上個禮拜就俾人斷正佢用百萬 benz喺機場接張馨予返屋企。證據確鑿之下,佢惟有用「私人事唔回應」嚟解窘。不過吳先生想低調啫,都要對方張小姐肯收手先得 o架。
呢,日前就俾網友發現佢上載咗幾張攬貓相上微博,相中嘅異短貓同吳卓羲嗰隻異短貓仔阿摺好相似。嗱,呢招「此地無銀三百両」,比明刀明槍更厲害呀。
唉,以為霜姐犀利,原來一山還有一山高。問你哋服唔服?



張馨予微博



吳卓羲微博
吳卓羲上載咗佢隻異短貓阿摺張相,轉頭張馨予又放上佢攬貓相,考吓大家眼力,此貓是否等同彼貓呢?






早兩日,吳卓羲又喺微博度話自己拍劇時整親手指。張立時喺微博作回應。簡直係步步進逼,大有一刻也不容緩之勢。


 
[img][/img]
殺手也走不出我的五指山。(設計對白)
网易论坛,天天相伴
镖跟靶的每次分离都是为了能够再一次重回靶心!所以,等待……
zhangs_wh zhangs_wh 发送消息 TA的微博
等级:
果

积分: 29402

发帖: 74946 篇

在线时长: 1493 小时

9楼   2011-06-27 17:28:57 举报
管理
[忽然一周第830期]媽咪姐手帳 滕麗名舊愛 狹路不相逢


人話不是冤家不聚頭但咁都俾你哋避到應該唔係冤家係襟兄弟就真。(設計對白)

上周,有傳剛喺深圳拍完戲嘅張栢芝會飛加拿大休息,唔少傳媒收到風,即刻去深圳機場伏佢。連等幾日,栢芝就未見到,反而有幾個意外收穫。
周六( 18日),媽咪姐就撞到滕麗名兩個舊愛魏駿傑同郭政鴻先後出現機場,原來呢 pair過氣「襟兄弟」都幾夾,同滕滕分手後,不約而同娶北妹為妻,呢日仲分別返內地慰妻,可惜兩人始終緣慳一面。事關前者搭頭等機,?完錢即匆匆趕住入閘。而郭政鴻卻悠閒得多, check完 in,仲有時間到附近露天茶餐廳食飯唞唞。就係咁,避過喺候機室碰頭機會。



魏駿傑 check完 in之後,即刻走去?錢,攞咗錢之後,又匆匆忙忙趕去排隊入閘,全程就係一個「趕」字。



魏駿傑搭頭等機






反觀呢邊廂嘅郭政鴻,雖然坐經濟艙,但因客唔算多,所以好快搞掂。





郭政鴻悠閒食飯



時間充裕嘅佢,走去茶餐廳歎個午飯。食完飯仲滋油淡定咁邊撩牙邊唞唞。佢就完全一個「定」字。
网易论坛,天天相伴
镖跟靶的每次分离都是为了能够再一次重回靶心!所以,等待……
zhangs_wh zhangs_wh 发送消息 TA的微博
等级:
果

积分: 29403

发帖: 74946 篇

在线时长: 1493 小时

10楼   2011-06-27 17:29:20 举报
管理
[忽然一周第830期]揞名爆 「米曹」變咗怨婦
2011年06月24日

「尖尖尖」同「瘦骨仙」復合,好多人都戥佢哋開心。不過有人歡喜亦有人愁。愁嗰個,就係「尖尖尖」個前度女朋友「米曹」嘞。其實講起嚟佢有今日,除咗「尖尖尖」身邊班老友高興外,一眾記者行家更係拍爛手掌?啦。乜咁大仇口呀?
原來當年佢同「尖尖尖」一齊時,高竇到暈,對記者態度更係擺款兼臭寸。媽咪姐喺啲記者行家度聽番嚟,話佢依家唔同晒啦,不單對人嘅態度好咗,尤其見到記者亦客氣咗,而且無論生張熟李,必然掹住人呻幾句。
話說「米曹」本身係某名牌店嘅公關,有次,有個新入行嘅潮流版記者妹妹去搵佢借衫,記者妹妹之前同「米曹」都冇見過面 o架,但「米曹」竟然掹住人大吐苦水。
事後輪到個記者妹妹向行家呻番轉頭,話自己同「米曹」都唔熟,但就俾佢掹住,聽佢呻足成粒鐘,真係慘過乜呀。唉,好心「米曹」想開啲啦,姻緣嘅嘢,係你就係你,唔係你嘅,呻到樹葉落都唔會返轉頭 o架啦,疊埋心水搵過第二件囉。
网易论坛,天天相伴
镖跟靶的每次分离都是为了能够再一次重回靶心!所以,等待……
zhangs_wh zhangs_wh 发送消息 TA的微博
等级:
果

积分: 29404

发帖: 74946 篇

在线时长: 1493 小时

11楼   2011-06-27 17:29:41 举报
管理
[忽然一周第830期]揞名爆 「高妹」為婚事激嬲「貧國」
2011年06月24日

「高妹」同「貧國」嘅緋聞都傳咗幾年,以女人心態嚟講,已經3字頭嘅「高妹」梗係希望上岸做名正言順嘅「貧國」老婆啦。可惜「貧國」成日將事業掛喺口邊,搞到「高妹」冇晒癮。
早前,有個口痕友同媽咪姐講,話「高妹」嘅老母同大佬年頭嚟過香江,話就話探「高妹」,實則係嚟同「貧國」 talking。不過又估唔到「貧國」咁識做喎,喺飯局上面拍晒心口話等「高妹」拍完嗰套寶島劇後,就一齊返鄉下探鄉親父老咁話。
佢呢番說話?到未來外母乸同未來大舅鬼咁開心,「高妹」呢,聽見「貧國」講到實牙實齒,諗住今鋪實嫁得出。可能開心過龍,見親「貧國」,就三句不離講結婚,一陣講擺酒、一陣講請客。而「貧國」呢,查實只係敷衍「高妹」阿媽啫,佢事業心咁重,根本唔想咁急。就因為「高妹」嘅得意忘形辣?咗「貧國」,最後仲發晒老脾,唔同「高妹」返鄉下?。
哦,唔怪得早幾日有行家喺機場等「瘋嫂」時,咁啱撞見「高妹」孤伶伶一個人,行家問佢去邊,佢冇厘表情話返鄉下啦。
网易论坛,天天相伴
镖跟靶的每次分离都是为了能够再一次重回靶心!所以,等待……
zhangs_wh zhangs_wh 发送消息 TA的微博
等级:
果

积分: 29405

发帖: 74946 篇

在线时长: 1493 小时

12楼   2011-06-27 17:30:01 举报
管理
[忽然一周第830期]揞名爆 「男人婆」衰格嚇粉絲
2011年06月24日

「男人婆」唔止成日扮到懶有性格,仲係好衰格?呀。佢啲衰格嘢,幾乎通記者行家都知,不過大家費事理佢咋。
話說有次大婆台頒獎禮之後,「男人婆」就同舊情人「師弟」及「瘦人」拉大隊貢上「歌神」屋企開半夜派對。到咗夜深時分,先前喺「歌神」屋企樓下嘅記者都已經收晒工,只係剩番幾個 die hard fans繼續癡癡地等。
大約凌晨兩、三點左右,靜英英、黑孖孖嘅馬路邊,突然傳出一把鬼聲鬼氣嘅女聲:「喂……咁夜,你哋等邊個?」班妹妹仔一聽見已嚇到腳軟,有啲膽大啲嘅就用眼尾周圍睄吓,但又唔見到有人,但依然有把女聲講嘢,班妹妹仔嚇到冇鞋挽屐走。之後有個二五同媽咪姐爆料,話嗰把女聲其實係「男人婆」扮 o架,係佢自己講番出嚟,仲話嚇到嗰班女三魂唔見七魄喎。
唉,你「男人婆」憎記者就通晒天啦,不過估唔到連粉絲都玩埋,睇嚟佢真係唔想撈咁款喎。
网易论坛,天天相伴
镖跟靶的每次分离都是为了能够再一次重回靶心!所以,等待……
zhangs_wh zhangs_wh 发送消息 TA的微博
等级:
果

积分: 29406

发帖: 74946 篇

在线时长: 1493 小时

13楼   2011-06-27 17:30:35 举报
管理
[忽然一周第830期]句句金 句句金
2011年06月24日

何家淑女超欣早前 12歲生日獲父贈送英國豪宅,就快 21歲嘅超盈唔知會收到咩禮物呢?
都係呢啲啦,屋嗰啲啦。
含住金鎖匙出世,果然口氣都大啲。收層樓講到好似收棵菜咁,可憐媽咪姐都係收緊蛋糕嗰啲咋。

蒙嘉慧出席活動時表示自己係慳妹一名,就算只係食一棵菜都冇問題:
我都好易養。
易養又點啫,佢男友鄭伊健咪始終唔肯娶佢。

娛圈品流複雜,但周秀娜表示未試過被人問價,更強調多多錢都唔會就範:
我係無價寶。
佢咁自愛係好事嚟嘅。不過阿豬阿狗都俾人問過價,反而性感如佢居然冇,咁又係咪唔多合理呢?
 
李冰冰喺《雪花秘扇》中飾演 17歲少女。佢笑言毫冇難度:
我心裏一直是 17歲,所以現在還沒嫁。
心境青春有鬼用咩,身體唔係吖嘛。佢 35歲人,真係要好好打算囉?
 
江若琳早前接受訪問公開擇偶條件,要另一半唔嫖唔賭唔爛蒲,不但要孝順、專一、有才華夠上進,仲要識體諒佢。講完一大堆條件竟補多句:
係咪好簡單呢!
嘩,佢「簡單」嘅定義都好唔簡單喎。媽咪姐惟有祝佢早日覓得如意郎君啦。
 
早排忙拍 MV嘅劉美君形容男友如衣服,啱身就唔會隨便換,當然亦會保持新鮮感,
經常燙吓佢、洗吓佢。
咁唔知佢又有冇聽過「女人如衣服」呢?對件衫,女人就話又洗又燙啫,男人邊有咁好心機吖,着舊咗隨手就丟囉。
网易论坛,天天相伴
镖跟靶的每次分离都是为了能够再一次重回靶心!所以,等待……
zhangs_wh zhangs_wh 发送消息 TA的微博
等级:
果

积分: 29407

发帖: 74946 篇

在线时长: 1493 小时

14楼   2011-06-27 17:34:45 举报
管理
[忽然一周第830期]博出位 父親節微博晒幸福 秋官欣宜破冰


每年六月第三個禮拜,媽咪借歪,終於輪到老竇大晒。周日(19日),唔少新手爹哋或者年長爹哋過完一個冧到爆的父親節後,都第一時間將溫馨相放上微博。至於一班明星仔女,縱使冇時間慶祝,都紛紛留言親親爹哋,其中成日傳父女關係麻麻嘅秋官,終於抽到時間同欣宜慶祝,難怪欣宜珍而重之即刻將父女合照放上微博。

欣宜晒合照

成日俾人話厚此薄彼的秋官,對欣宜愛理不理,就連過時過節都淨係同太太官晶華一家度過。今年父親節,秋官終於記得有個女叫欣宜,仲抽時間約個女食晚飯做節。欣宜亦好識做,除咗送健康補品俾爹哋補身,仲特登自製蘋果批孝敬秋官。






上月母親節,秋官帶老婆官晶華(右)、細女泳曦(中)到酒店食蟹慶祝。好彩父親節當日,他記得抽時間俾欣宜。
 
黃浩然收 B卡

剛榮升做老竇的黃浩然,父親節當日忙緊拍新劇《拳王》,雖然事先已向劇組請了兩小時假,打算返屋企同囝囝 Kayden慶祝父親節,可惜最後走唔甩,好在太太代囝囝設計一張父親節卡補數。問黃浩然係咪冧爆?佢話:「其實做爸爸嘅,最緊要望 BB身體健康,佢有少少事都會令我好擔心。」







張晉型佬抱 B

同樣今年做老竇的張晉,不時要返內地工作,但一有時間都會幫太太蔡少芬湊囡囡楚兒,只見他駕輕就熟單手抱女,就知日子有功,連老婆亦忍唔住大讚他「偉大」。
 



 

阿 Sa晒畫功

阿 Sa雖然少見老竇,不過父親節當日,就專登畫了幅二撇雞老竇樣送俾爹哋,幅畫亦確實與 Sa爸有八、九成似,原來阿 Sa繪畫訓練有素,她說:「從小就喜歡畫爸爸……因為爸爸擁有標誌性的鬍子……好好玩……今天又畫了一幅……送給天下所有的爸爸和我的爸爸……父親節快樂: daddy I love you。」而 Sa爸亦在微博回覆:「這份心意……已令我十分滿足了……能夠百忙中抽空創作繪畫……已經是一份很好的禮物」父女隔空傳情,夠晒 sweet!
 
[img][/img]
 
[img][/img]
 
[img][/img]

嘉欣仔晒腳印

嘉欣和亨亨的金叵羅小 JM,雖然得三個幾月人仔,不過有媽咪代勞為他設計父親節卡,卡上印上小 JM腳印仔一隻。物輕情意重,亨亨肯定會照單全收。
 
[img][/img]
 
[img][/img]
 
[img][/img]

婷婷騎膊馬

霆鋒和栢芝婚變鬧得熱哄哄,不過父親節當前,婷婷一於少理,放張陳年父女照上微博,還留言指四哥是「全世界最棒的父親」。正為霆鋒和栢芝的婚姻而頭痕嘅四哥,睇完婷婷呢番說話,心情應該好過啲!
 
[img][/img]
 
[img][/img]
 
[img][/img]

撰文:娛樂組
攝影:攝影組
网易论坛,天天相伴
镖跟靶的每次分离都是为了能够再一次重回靶心!所以,等待……
zhangs_wh zhangs_wh 发送消息 TA的微博
等级:
果

积分: 29409

发帖: 74946 篇

在线时长: 1493 小时

15楼   2011-06-27 17:40:20 举报
管理
[忽然一周第830期]星宿啟示 感情考驗
2011年06月24日

本周補情網 巨蟹座 22.6-22.7
要將一段感情的穩定期維持得長久,今周你發覺不是容易的事。雖然近期你倆都沒有犯上破壞感情的大錯,但會從小事上挑剔對方的不足。感情小損傷的日漸累積,有時比大事件的破壞力還要大。你應以先知先覺的積極方法修補缺口,接受對方的不足及不完美,有助維持更長久的感情。

白羊座 21.3-20.4
急速的工作節奏,令你顧此失彼。大意下忘記了一些重要事情及犯上小錯,都會使你對同事們產生內疚感。用行動作補救是唯一出路。提防與伴侶發生小風波。

金牛座 21.4-20.5
朋友多次相約都因時間不合而錯過了,今周你難得有空閒時,不妨改變被動的慣性,主動相約對方。再利用餘暇看完一本久未看完的書,你會有意外得益。

雙子座 21.5-21.6
翻開儲物櫃及衣櫃,你發現很多不曾使用的物品。將它們分門別類重新整理,過程中提示自己不要浪費資源。理財經驗的累積提升你的財運。

獅子座 23.7-22.8
今周屬於你情緒高低潮交替的敏感時期,你容易心情亢奮也容易情緒低落。只要控制憤怒情緒,切勿對人作出言語攻擊,就可將真情真性的代價減至最低。

處女座 23.8-22.9
今周多了機會參與別人的決定。雖然很多時候對方的想法跟你有出入,而且最後決定權不在你,但你的意見有一定價值,應勇於表達。財運不理想,宜節約。

天平座 23.9-22.10
你構想及追求的事,當然想盡快完成和實現,但中途遇上阻滯令你被迫停下來,應趁這空檔構思另一個更有效率亦能達成同一目標的方法。靈活變通非壞事。

天蠍座 23.10-22.11
許多解決問題的方法,都是你在獨處靜下來時想出來的。今周與人產生相處矛盾,及事情進展不順利時,可適當製造冷靜期令自己更容易想出應對方法。

人馬座 23.11-21.12
今周整體運程算是頗順利,你可趁機進行平時想做但有所猶豫的事。當出現初步進展便要乘勝追擊,令過程能一氣呵成。注意將財政資源集中在最重要的事項。

山羊座 22.12-19.1
等了很久的感情發展機會,近期將會來臨,但你分身乏術。將難處坦白告訴當事人會得到諒解。時間分配與誠意之間,後者才最重要。今周注意飲食定時。

水瓶座 20.1-19.2
身邊人近期對你多了承諾及保證。無論對方是想挽留你的上司、借錢的朋友、或曾失信於你的戀人,你可以先選擇信任他們。信任是人際關係持久的基礎。

雙魚座 20.2-20.3
今周是立定決心改變不良生活習慣的良機,因身邊會出現有力的監管人。只要你不抗拒良性的管束就會因而得益。財富運用上有浪費跡象,要好好管束自己。

作者 profile
Jackal原是廟街最紅占卜師,現於旺角開設占卜店。本身對各種占星術都有相當研究,尤擅於以占星術結合星座作愛情、人緣、財運、人生大事的預測。(預約占卜電話: 6280 5880)
(Jackal)
网易论坛,天天相伴
镖跟靶的每次分离都是为了能够再一次重回靶心!所以,等待……
zhangs_wh zhangs_wh 发送消息 TA的微博
等级:
果

积分: 29410

发帖: 74946 篇

在线时长: 1493 小时

16楼   2011-06-27 17:41:05 举报
管理
[忽然一周第830期]何洛天師傅 洛天紫微
2011年06月24日

鼠 宜以靜制動
不利競爭性質行業如 sales、保險從業員、傳銷等人士。財運只利短線。有利日子 25、 29號。

牛 重燃鬥心
做事矇查查,失去衝勁,宜調節心態,重拾鬥志!伴侶有不近人情要求,宜忍讓。不利日子 26、 30號。

虎 主動覓愛
人緣、桃花運佳,但要主動爭取機會。單身者爭取應酬出差機會,亦利提升業績。有利日子 25、 27號。

兔 ?實下屬
本周下屬是關鍵人物,用得適當有助力,否則可能累你孭鑊。防講錯說話得罪人。有利日子 24、 28號。

龍 今天事今天做
工作運佳,凡事宜快不宜慢,亦不利舊事重提。財運差,忌一切投資計劃。有利日子 25、 29號。

蛇 貴人相助
本周心情輕鬆開朗,又人緣運佳,利出差、應徵、考試及推廣。有男貴人扶助。有利日子 26、 30號。

馬 沉靜處事
凡事宜睇清楚才出手,忌意氣用事,容易破壞與客戶關係。財運見短線小利即收。不利日子 27、 29號。

羊 聆聽上司意見
遇難題,可暫時離場唞一唞,或向上司求助。貴人、外來機遇運均佳。出門辛勞。有利日子 24、 28號。

猴 不宜投資
本周接手做的事,都要睇緊些,宜盡早完成防閃失。不利財運,勿沾金錢事務。有利日子 25、 29號。

雞 大破慳囊
有利向上司匯報、推介或向政府部門索償、投訴、審批。財運有大失預算剋應。有利日子 26、 30號。

狗 製造浪漫
本周你表面硬淨,內心軟弱,宜自我勉勵。伴侶嫌你枯燥和欠誠意,宜多花心思。不利日子 27、 29號。

豬 事事順利
做事得心應手,事半功倍。上司欣賞你的新手法、新建議。出門努力有回報。有利日子 24、 28號。

作者 profile
何洛天師傅師承香港及國內多位玄學大師,對風水、紫微、八字命理、卜卦、奇門、六壬等素有心得。現為壹玄堂命理顧問。

撰文:黃寶恩 
資料:何洛天師傅( 6096 1687)
网易论坛,天天相伴
镖跟靶的每次分离都是为了能够再一次重回靶心!所以,等待……
9530 浏览 15 回帖  
帐号: 密码: 注册
手动保存 | 恢复内容 | 清除内容
如何用手机快速回复?
验证码 ()
看不清,换一张 点击换一张
回复本帖
注册通行证
忘记密码?
取消