网易首页-新闻-体育-NBA-娱乐-财经-股票-汽车-科技-手机-女人-论坛-视频-博客-房产-家居-教育-读书-游戏-微博 |
Rss
jeniper jeniper 发送消息 TA的微博
等级:
花花花

积分: 28264

发帖: 11416 篇

在线时长: 1258 小时

只看楼主 楼主    2011-08-13 18:23:29 举报
管理
打印

[壹週刊 第1118期]娛頭 廖碧兒絕望勾陳豪

[壹週刊第1118期]娛頭 人財兩失 林忠豪搭上人妻 廖碧兒絕望勾陳豪


 
廖碧兒返大陸拍劇前,在香港沒有工作,經常一臉愁容在中環出沒,無所事事。

「拜金女」廖碧兒,以為溝掂李澤楷表弟林忠豪,搵到筍盤可以實現夢想做有錢太。
點知,林忠豪玩厭即撇,二人情侶關係只維持大半年,今年六月,正式反面分手。回復單身四出溝女的林忠豪,上星期更與一名人妻林淑怡結伴去 ball。
豪門夢碎,加上被無綫放棄拒絕續約,形象全面插水的廖碧兒,唯有隨波逐流,返大陸搵食,一出道就做慣女主角的她,現在要淪為大茄,做行行企企大配角。
走入絕路,廖碧兒仍死心不息,扮死狗搵番陳豪,她雖未至於痴心妄想反撬陳茵媺牆腳同陳豪復合,只是氹掂陳豪拍住搵錢,貫徹她搵錢不擇手段的拜金本色。


半年玩厭


去年十二月,廖碧兒被揭發秘密搞掂「富二代」李澤楷表弟林忠豪,一心就以為得米,可以嫁入豪門做少奶奶,於是極速狠撇拍拖六年男友陳豪,專心服侍林公子;點知唔夠一年,林忠豪對廖碧兒已經生厭。
「 Alastair(林忠豪)成日都想溝女明星,但係無乜女肯落疊,偏偏廖碧兒以為執到寶,釣到隻肥金龜,攬到佢實一實。最初佢兩個都以為搵到目標人物,開始三個月愛得好痴纏,點知唔夠一陣,就覺得唔對路, Alastair話佢貪錢,又唱佢其實唔係好索,唔值得喺佢身上投資咁多,加上廖碧兒成日扮明星,唔肯陪男友出席朋友聚會,令到 Alastair冇得喺啲 friend面前炫耀有個花旦女友。
「至於廖碧兒,佢發覺 Alastair其實唔係想像中咁有錢,淨係識吹水,咁耐都冇收過一件令佢嘩一聲嘅禮物,甚至有時廖碧兒開晒聲話鍾意邊個手袋, Alastair把口就話買,但最後都側側膊,唔肯送。」林忠豪身邊 人說。
高速煲的戀情經不起考驗,二人經拖拖拉拉,今年六月期間,林忠豪趁一次嗌交,乘機提出分手;一心以為有機嫁入豪門住豪宅做少奶奶的廖碧兒,當堂如夢初醒。
為表撇女決心,林忠豪已經連廖碧兒的電話,都唔肯再聽,近日亦不停要求朋友,介紹靚女 model給他認識。



失戀兼失業的廖碧兒,心情極差,對住助手發脾氣。




陳豪得到陳茵媺愛情滋潤,近來出現都春風滿面。




去年十二月廖碧兒被發現到林忠豪位於淺水灣豪宅過夜。



林忠豪的堂細佬林忠澤與梁慧恩明年五月結婚,講到擺酒會否請「堂嫂」廖碧兒,林忠澤表示:「到時堂嫂係邊個都唔知。」暗示林廖二人已分手。



上週四,林忠豪與人妻林淑怡結伴出席菁英會活動,一見記者影相即刻閃避,好似身有屎般。



林忠豪經常駕駛住價值接近三百萬林寶堅尼跑車,炫耀自己是富二代。

錢情無限



陳豪與廖碧兒○四年撻着,地下情逐漸浮面後,二人以「情侶檔」姿態接 job,有錢齊齊搵,深受一眾廣告客戶歡迎,有市有價。

04-05年
廣告: Lifeztore家具店 每人$50萬
活動: Bossini旗艦店開幕、地鐵商場開幕等 3個 每人$24萬


人妻陪去 ball


上星期四(八月四日),林忠豪出席菁英會第四屆執委就職宴,原本大方接受記者訪問,被問到廖碧兒時,他就耍手擰頭:「呢啲嘢唔講!」連提都唔願。
當晚,林忠豪身邊女伴已換人,兩人全程如孖公仔黐埋一齊,當發現有記者影相,兩人又會煞有介事,馬上左閃右避。
據了解,林忠豪的新女伴名林淑怡( Mariana),是潮州商會青年委員會副主任,而林忠豪則是該會委員。
林淑怡年約三十五歲,已婚,但甚少與另一半出現公開場合,相反,近日經常陪同林忠豪夜蒲。


俾阿佘騎住


俾仔飛,加上無綫亦放棄拒絕與她續約,雙失廖碧兒黑過墨斗。為了賺錢養家供樓,之前大口氣四圍放風話要去荷李活發展的她,被逼捨遠取近,返大陸搵食,簽埋佘詩曼同一間大陸經理人公司,繼續俾阿佘騎住。
做慣女主角的廖碧兒,由於在大陸欠缺知名度,就算接拍大陸劇《深宮諜影》,但亦有機會做個行行企企,無關痛癢的大配角角色,級數大跌,至於她過去最強的商業活動,亦因為形象插水,出騷量跌近零。



兩人拍拖期間,陳豪帶挈廖碧兒拍落不少廣告,去年他們就以超高價接拍 Shiseido廣告。


在 TVB期間,廖碧兒的排位永遠在阿佘之後,簽了大陸經理人公司,廖碧兒繼續俾阿佘騎住。(《忽然 1周》圖片)



廖碧兒得罪 TVB兩大高層陳志雲及樂易玲,結果無得留低。

撻 Q


圈中唔少女星如徐子淇、李嘉欣等成功釣到金龜,做幸福少奶奶,但唔係人人都咁好命水,花盡心思鋪路嫁入豪門,臨門先撻 Q,前功盡廢的,大有人在。




鍾欣桐
07年,阿嬌成功冧掂父親是中建電訊主席、身家過 10億的富家子麥浚龍( Juno),但 08年爆出淫照事件, Juno在父親麥紹棠多番施壓下,終於斬纜,之後 Juno公開承認 model女友 Janine。



陳法蓉
陳法蓉 08年撬走陸詩韻的「油王」男友,點知朱明原來係空心老倌,被踢爆 09年金融風暴後已欠下巨債,更一度失蹤。



宣萱
宣萱 96年由友人介紹認識中信泰富主席榮智健的堂姪榮文瀚,二人拍拖 6年,並計劃結婚,後來有傳宣萱搭上有婦之夫羅嘉良,榮文瀚提出分手。



王祖賢
93年,王祖賢被指介入林建岳和謝玲玲的婚姻,更獲岳少贈送幾千萬豪宅,但岳少母親棒打鴛鴦,更大鬧:「當個仔去叫雞!」二人最終不歡而散。


SMS求饒


雖然已走入絕路,但廖碧兒仍不放棄,最近更頻頻向陳豪發動 SMS攻勢,懇求陳豪原諒,她明知陳豪已經同陳茵媺拍拖,根本無機會復合,但仍希望可以抽陳豪水,助她起死回生。
「 Bernice(廖碧兒)知道阿 Mo(陳豪)同陳茵媺拍緊拖,所以佢都唔敢奢望可以喺番一齊,只係想借阿 Mo影響力,同佢拍檔一齊出席賺錢活動, Bernice知道自己而家就算減到好平都冇人搵,但只要搵到陳豪一齊,啲廣告商覺得有綽頭,一定肯俾錢;仲有,阿 Mo如果幫佢講兩句好話,點都有幫助,諗過算過,見一定有着數,所以佢係咁?住阿 Mo,提議同佢一齊做嘢,又話當俾條生路佢行喎!」廖碧兒身邊人說。
可惜一切為時已晚,做了多年老襯的陳豪,最終拒絕廖碧兒要求。
「阿 Mo蠢唔晒,之前 Bernice傷得佢咁緊要,仲要做訪問公開唱衰阿 Mo,就算自己唔計較,佢都驚萬一同 Bernice一齊做嘢, Aimee(陳茵媺)唔知會點諗!佢哋啱啱先開始,點會咁蠢自找麻煩,更何況阿 Mo同 Aimee啱啱傾緊情侶檔一齊合作拍廣告,有好嘢,都益新女友啦,仲點會理舊愛呀!」知情者說。



日前廖碧兒身在橫店拍攝劇集《深宮諜影》,在戲中做大配角, hea到爆。(《蘋果日報》圖片)


由於戲份不多,廖碧兒趁空檔時間學做刺繡,而同劇還有米雪演出。


陳豪同陳茵媺的情侶檔剛剛開始,兩人將一齊拍劇同拍廣告。



陳茵媺除了贏得陳豪外,更吸引不少廣告商,成功取代廖碧兒騷后位置。

月供四宅



曾經貴為 TVB騷后的廖碧兒,過去不斷有投資物業,但多以父母名義購入,有些更是短炒用途, 08年以 693萬購入的凱旋門,一年後即以 755萬賣出,賬面賺 62萬。前後曾買賣近 10個物業,現時手上仍持有四單位,由於父母已退休,全由她獨力供款,每月供款超過九萬。


撰文、攝影:娛樂組

   本贴于 2011-08-14 22:10:18 被【jeniper】修改
网易论坛,天天相伴
Your story may not have such a happy beginning, but that doesn't make you who you are. It is the rest of your story, who you choose to be.
jeniper jeniper 发送消息 TA的微博
等级:
花花花

积分: 28267

发帖: 11417 篇

在线时长: 1258 小时

2楼   2011-08-13 18:36:20 举报
管理
第 1118 期 香港壹週刊

時事
 
封面故事 降級風暴 股災避險術
壹號頭條 《爽報》突襲 報業大亂鬥
壹觀點 11/8/2011 美國經濟震盪治療
Second Opinion 11/8/2011 Bowtie: Don’t Repeat Tung’s Mistakes Stephen Brown
壹角度 11/8/2011 恒指走在樓價經濟之前 林本利
另壹角度 11/8/2011 沒有負債的香港優勢 李兆富
八卦陣 新聞小花 變佗槍師姐 齊百通
新聞耳目 國泰口交事件 空姐辭職 機長逍遙
新聞耳目 點解cut我綜援
新聞耳目 明星滑水學校暗藏私油站
壹週人物 疑似特首頭號闖將 張震遠:梁振英夠勤奮
非常人語 CHANGE 陳強
投訴(1) 水渠邊放電線 裝修亂龍
投訴(2) 債仔出卡絕橋 隨時惹官非
 
財經

壹盤生意 水底財路 「潛」力無限
中環人語 中環賓架好心涼 宗菁華
天下第一倉 又到業績期 艾薩 Isaac Sofaer
第壹流 歲月神偷 蔡東豪
 
娛樂名人

娛頭 人財兩失 林忠豪搭上人妻 廖碧兒絕望勾陳豪
探熱針 阿媽腦積血 張敬軒:好驚佢有事!
豪語錄 變身男女chok chok chok 江毅
同你吟一吟 潛行化妝間 Laughing哥客串吹頭仔
同你吟一吟 林峯死過翻生
同你吟一吟 舒淇月花二萬人仔養命
同你吟一吟 莫文蔚婚前縱慾
同你吟一吟 薛凱琪執到
同你吟一吟 ?芝媽擦海鮮自娛
同你吟一吟 楊思琦真波最怕火
同你吟一吟 杜汶澤呵住恬妞
同你吟一吟 劉心悠粗心大意
同你吟一吟 吳浩康有牌保險佬
同你吟一吟 趙碩之過時MK頭
探熱針 不滿前夫宰割身家 Rosemary媽8?11上街控訴
探熱針 獨供大尾篤村屋 吳綺莉:個女要入哈佛
探熱針 多是非無人緣 3號許亦妮照贏
人有我有 撈過界 洪金寶、曾志偉做政協
共同進退 幫小方看鋪 Stephy搵定後路
虛位以待 補替佘詩曼 胡杏兒 鍾嘉欣爭崩頭
國台扮 吳克羣 明玩何超蓮
國台扮 王力宏彭于晏共侍舒淇
國台扮 明道禿頭危機
好男好女 闊太唔易做 溫碧霞
社交圈 女人的弱點
私家居 畫.家
 
優質生活

健康直擊 中西齊醫柏金遜
頭號飲食 搵笨Light版扮三低
親壹親 創意玩轉屋企
天地任我行 水平線下的盛宴 泰國道島
壹號幹線 法蘭克福直擊 電能i幫 BMW i
 
NEXT 3.0
 
HOT-ITEMS 速玩3D LG Optimwus 3D P920
HOT-ITEMS 貴氣銅聲 Final Audio Piano Forte X-CC
HOT-ITEMS 孖生tablet Samsung Galaxy Tab 10.1
HOT-ITEMS 人聲出色 Nakamichi mySound System SSF9
BEST-SHOPA 巨「聲」 AirPlay
ETIPS 過濾facebook 專心睇相
CLOSE-UP 飛向未來
 
生活資訊

外太空 英超西甲化?
登機證 放空
常餐以外 夏食三寶【矜貴黃油蟹】
常餐以外 夏食三寶【清熱良方冬瓜】
常餐以外 夏食三寶【養生雲南珍菌】
每週一大廚 鮑魚雞粒蒸飯
未能食素 Kebab Factory 蔡瀾
寵物家 毛茸茸秋田犬殺到
今日開畫 反斗車王2 Cars 2
私口味 藍精靈
踏上成功路 我的文字路——相互擦光芒 林燕妮
正命清玄 一石當關:石春的運用訣竅 楊天命
本週生肖運程 鼠
星座 眾裡尋他 獅子座 圖坦卡moon
 
專欄

壹人壹句 壹人壹句
壹週報 壹週報 尊子
無定向風 美國人創造奇迹 楊懷康
坐看雲起時 隔世書 陶傑
壹樂也 科幻電影 蔡瀾
潑墨 「快樂糖水」 李碧華
事實與偏見 投資 黎智英
香江不平這處鳴 又釋法! 李柱銘
 
NEXT+ONE
 
Editor's Note 比堅尼小姐
Cover Look 功夫大同
Global Fashion Flash Finsk俾Lady Gaga、鄭秀文踩住上I.T
Hot Gossip Givenchy by Riccardo Tisci 狗臉不絕
Interview McQueen's Dream-Maker Shaun Leane
What's Up 瘋狂的石頭Fendi Crazy Carats
Bag of the Week 基本法Chloé Madeleine
Shoes of the Week 恨天高Burberry Prorsum
Product of Desire Wild Elegance
Product of Desire 秋之靴
Hot Picks 圖態
Hot Picks Print Your Mood
Cover Story 不十五就十六 方大同
Trend Catcher Think Big
Fashion Spy Chanel Revival of Byzantium
Beauty Feature 密睫留意
MakeUp Demo Lashes UP
Brand Focus Essential for Ageless Skin
Trip Report 台灣直擊 M.A.C秋冬妝潮
Trip Report 雪花秀上京
Showcase 絲肌
Showcase Shimmering Nude
Product Comparison 本週測試 Body Firming
Editors' Trial 編輯測試 本週新品
Men's Grooming 抗老日與夜
Go Lux 深潛蛟龍
Health & Fitness Bike Girls
Columist 一個女人 唔使慌
Columist 食咗當去咗 救命粗菜
Edition Y Looks of the Week Aris Lau (Designer of izzue collection)
Edition Y 我愛Sample Sale
Edition Y 黃偉文購物日記
Edition Y 每週一畫
网易论坛,天天相伴
Your story may not have such a happy beginning, but that doesn't make you who you are. It is the rest of your story, who you choose to be.
jeniper jeniper 发送消息 TA的微博
等级:
花花花

积分: 28268

发帖: 11417 篇

在线时长: 1258 小时

3楼   2011-08-13 18:37:51 举报
管理
[壹週刊 第1118期]豪語錄 變身男女chok chok chok 江毅


據說,男人扮女人便會很搞笑,愈爛笪笪愈唔似愈好。
遺忘世間有樣東西叫藝術。
江毅,可能是最後一個專業地雌雄同體的演員。一扇在手,紙扇師爺之扭計、葵扇大妗姐之八卦、羽扇諸葛亮之睿智、孔雀扇貂蟬之風華絕代,一氣呵成。唯獨團扇,「太少女,扮不來了。」他說。
手弄生綃白團扇,扇手一時似玉。
——蘇東坡《賀新郎》
攝影師慨嘆,江毅叔的十指竟比幾期前《豪語錄》拍過的吳彥祖更滑溜。「今年十月便八十啦。」男花旦遲暮,比真女人倍傷感,一邊把玩着化妝小姐帶來的胭脂。
「似就係嘅咩?」原名鄧兆怡的他始終拒絕「出櫃」:「依家開通啲啫,畢竟實無好結果。」同志後輩們失傳的,還有矜持。

Billy

老戲骨復出,全賴《竊聽風雲 2》。電影恍如《大時代》,當年江毅演陳萬年,在辦公室被捕執包袱一句:「交易所所有嘢都係我創辦嘅!執乜鬼?」影射哪條大鱷呼之欲出。股票戲怎少得他?因為他就是。
「六十年代我在會德豐旗下投資公司做,專炒美國股,兩台機器由大東電報局專人操作,成個 account department最年輕我,就叫 Billy仔吧, Billy the Kid。」
記者想起黎智英初出道叫 Jimmy。
「六三年堅尼地總統(通譯甘迺迪)遇刺,孖展客冚家 ling~~」發個 ling音條脷曉震,他解釋:「粗口唔出得街嘛,乜得你咁笨實——再說有個神父都輸到眼光光,見唔對路,上司又受刺激中風,那時我已很迷業餘話劇,不用開夜一收工便到澳門清平戲院演出。股票咁危險,不如全職當演員。」
人生無常,來到今次《竊聽風雲 2》,年初四去寶福紀念館,未收劇本,先路過驚見胡楓的大相掛於其中一間靈堂,江毅說:「乜阿修(胡楓原名胡繼修)咩咗?他與我同年,他一月我十月呀。」身旁的曾江茫然說:「原來你大我三歲……」後來才弄清楚首場拍拜祭戲。
「演戲真好,如果生離死別也是做完便算,多好。」









大票友



粗口唔出得街嘛,乜得你咁笨實--
 
江毅成名作叫《花旦英》,卻未正式學過粵劇,世家子弟,自有老倌給你偷師。
「二伯父是戲迷——家陣話天水圍南生圍,那時我家在中山就自己有一個圍,收租收到手軟。拍《京華春夢》,王天林說江毅抽鴉片最似,梗係!我啲叔伯全部食,自細見慣。」
抗戰避亂澳門,看大戲更多了,葡萄牙屬中立國,日軍沒染指,伶人都躲到那處。江毅見識過紅線女如何由三幫花旦捱起,在美國樓飲咖啡目擊芳艷芬好友廣州總探長李彥良遭仇家槍殺……
「任劍輝長霸平安戲院,除非她休息,第個無得演,因為她先生是黃蘇,黃蘇好霸道。點解我知?因為黃蘇元配的女兒是我培正學校同學。有個鑼鼓師傅叫江湛——我藝名也為紀念他——那時鑼鼓好大權,有個後來海中無魚蝦自大號稱名旦的,次次鑼鼓停了碎步還未完,師傅嬲起嚟,竹棍一扔,丟了聲就走人,你話個花旦幾渣,其人尚在生,死了告訴你。
「我年紀大,看戲早,記性好又直腸直肚,好多人多得我唔少。」
記者想起江毅演過的柯鎮惡曰:
古往今來的人物,有的流芳百世,有的遺臭萬年,豈能塞得了世人悠悠之口?
——金庸《神鵰俠侶》

遙遠的她

那年頭二世祖,又變憤世嫉俗的,通常經歷過家道中落。
「現在中山步行街,一列鋪是我鄧家嘅!市政府要拿出民國時的土地證,清朝光緒張契仲喺度呀!你們不是推翻國民黨嗎?怎麼又要它的文件?駁到個官員無聲出——咁梗係攞唔番笪地啦……」
在鄉下,江毅有個盧家大小姐,自幼竹門對竹門訂下婚約,共產黨清算,全家鬥死。
「老豆一早帶我們走難,事後聽堂伯娘說,連後花園都剷起,以為埋藏黃金。根本錢在錢莊,已被凍結,只掘出一把左輪,本來用以傍身的。」
來到香港,無錢成家。「識個女仔,她媽媽質問我:『戲行出得幾多個謝賢?』轉頭又話搵到個女婿有車的,原來揸噸半貨車,個女嫁咗都去大大公司做售貨員。」
他也賣過國貨,幼承庭訓識得分煙台繡、玻璃紗,咁又點。
記者想起江毅演過的阿 Q曰:
我們先前比你闊的多啦!
——魯迅《阿 Q正傳》
「最陰功有個,拍拖時就奇怪:點解撞一撞硬係唔散瘀的?到港中醫院一驗,血癌,無咗嘞。她父母說,她家姐未結婚,不如……我接受唔到,黐線!」



《廣東橋王》做陳夢吉,梁醒波做荒唐鏡。



懷念那年代,甘草演員個個嗌得出名字,江毅身旁的是梁愛。


煙不離手,皮膚滑溜。
 
莫痴心

是否由此轉了性不得而知,「反正全香港入咗你數啦江毅叔?」我問。
「難道以前的男花旦冚棒冷都係?點解戲班中以男花旦武功最強?防身呀!梅蘭芳都領過嘢,啲軍閥要你妝也不卸便陪消夜,無兩三下散手怎自保?那套《佛山贊先生》我演梁二娣,梁二娣正是詠春祖師。」
追問:「聽說陳百強和張國榮好尊重你?」
江毅說:「他們梗係尊重我,我話你哋好自為之。你又要叻過我,我又要叻過你,佛學來說,地獄裡面叫修羅界,很痛苦的。兩個不咬弦,鬥得好犀利。
「 Danny十九歲我就識佢,因為他爸爸愛唱粵曲,有隊私人樂隊。 Leslie出咗名啦,我話:『我唔會同你哋玩到癲,依家開通啲啫,始終香港人未接受,你又夠膽公開。』
「即使異性戀,離異離婚也分分鐘;而男仔個心最野,結果好難 o架。 Leslie走到加拿大最隱蔽地方個私竇都俾人摷出嚟,有眼睇,千祈唔好痴心,放感情落去實死。」
記者想起江毅演過的東方不敗——應該算武功最強的同志——曰:
倘若我生為女兒身,那就好了。
——金庸《笑傲江湖》



男仔個心最野,結果好難 o架。



離開無綫,舞台劇《天下第一樓》擔正主角,唐裝衣飾他大把私伙。
 
花旦是我

如果一味扮女人,江毅的藝術不值得大書特書。七二年加入無綫,他演過阿 Q、《逼上梁山》的宋江、《龍虎豹》(別心邪)律師何守信是龍、記者石修是虎、小販江毅是豹,七十年代版《怒火街頭》。
那個百花齊放 good old day,性格演員也能擔正。往後,江毅自嘲愈撈愈霉,到九五年,拍枱走的——「江毅你唔夠 show喎?」「你無嘢俾我做,實唔夠 o架。」「唓你去得邊?」
於是攞長期服務金,計七四年正式入職。「咁都扣我兩年,一年只俾多一個月吧。」
江毅珍藏一張劇照,《戲班小子》,他全副武裝穆桂英,劉德華站身後扮士兵。「華仔求我曬一張給他,我死不肯說:『花旦是我,你係兵啫。』」

讓雀仔飛




絳紗弟子音塵絕,
鸞鏡佳人舊會稀。
今日致身歌舞地,
木棉花暖鷓鴣飛。
——李商隱《李衞公》
 
江毅視如子弟後輩的 Danny和 Leslie都不在了,老去知音較昔日難。據說,獨養鸚鵡千萬莫照鏡,否則牠想起自己是失群孤鳥會憂鬱而死。
臨老去蒲吧嗎?「那裡沒有真感情。」
張國榮豈不說過是無腳雀仔?江毅家住天后,養有七鳥,閒時關上門窗,會飛來飛去邀憐繞肩,或者一天,應該讓牠們更自由。

撰文:余家強
攝影:梁炳權
協力:羅婉玲
整理:許美寶
化妝: Connie
   本贴于 2011-08-14 11:09:06 被【jeniper】修改
网易论坛,天天相伴
Your story may not have such a happy beginning, but that doesn't make you who you are. It is the rest of your story, who you choose to be.
jeniper jeniper 发送消息 TA的微博
等级:
花花花

积分: 28269

发帖: 11417 篇

在线时长: 1258 小时

4楼   2011-08-13 18:38:08 举报
管理
[壹週刊 第1118期]同你吟一吟 潛行化妝間 Laughing哥客串吹頭仔 
 


睇吓, Laughing吹頭手勢,師傅一樣。
 
無綫新劇《潛行狙擊》上個禮拜一(八月一日)出街,首週收視平均廿九點,有個好開始。 Laughing哥有收視保證,謝天華嗌爽,心情超靚。
劇集出街第二日(二日),一班《潛》劇演員包括謝天華、陳法拉、 MC Jin返電視城做宣傳節目,喺化妝間 set妝整頭,一早扮完靚嘅 Laughing哥,見法拉自己吹頭唔就手,竟然自動請纓做吹頭仔。

估唔到跳舞出身嘅謝天華,吹頭手勢都咁 pro,一手捲髮刷一手風筒,一拖一拉,好熟手。
真人不露相嘅,除咗謝天華,仲有當日咁啱又喺化妝間嘅胡杏兒,零化妝等化妝師埋位執樣,發現《壹》仔影相一刻開始,打死都唔再擰塊面過嚟。
無所謂啦,反正《壹》仔影到 Laughing哥客串幫法拉吹頭,已經覺得係本週好相,胡杏兒真面目,留番俾黃宗澤慢慢歎。



一早搞掂晒嘅謝天華,坐响陳法拉身邊吹水,見對方自己吹頭唔就手,決定出手相助。





?到《壹》仔瞄住影,冇化妝嘅胡杏兒從此不再向左擰,堅持避鏡。






劇中做 Laughing哥下屬嘅 MC Jin,見到阿 Sir馬上行禮,之後仲做塘邊鶴,睇住謝天華幫法拉吹頭。




撰文:八珍
   本贴于 2011-08-14 13:21:37 被【jeniper】修改
网易论坛,天天相伴
Your story may not have such a happy beginning, but that doesn't make you who you are. It is the rest of your story, who you choose to be.
jeniper jeniper 发送消息 TA的微博
等级:
花花花

积分: 28270

发帖: 11417 篇

在线时长: 1258 小时

5楼   2011-08-13 18:38:24 举报
管理
[壹週刊 第1118期]同你吟一吟 林峯死過翻生 
 


潘霜霜床照爆鑊,少女傷心,林峯仲傷!內地劇遭易角,錢途受阻,幾乎一身蟻。
事隔五個月,又係一條好漢!三場紅館個唱,有份參演大製作電影《楊家將》,同李連杰合作嘅《白蛇傳說》嚟緊國慶檔上,據聞內地票房睇好兩億以上;最緊要係有廣告,證明人氣依然!

死過翻生!合作已經六年長嘅六福珠寶,最近再同林峯續約,酬勞加幅仲有百分之五十。男人拍珠寶廣告,唔少得女模,埋位當日,兩女模同場,不過,見手唔見樣,唯一好處,有錢收兼可以近距離摸住 chok峯。八珍相信,應該仲有唔少峯迷想親自代勞!



呢隻手掌係峯少所有,掌上凸起部分,正係早前紅館個唱被玻璃所傷嘅痕跡。



兩女模一個搭膊一個掂唇,但經過電腦處理,廣告見街,得林峯有樣你睇。



清早六點通告,林峯趁空檔小睡,唔好意思,有瞓樣冇床照。
 
撰文:八珍
   本贴于 2011-08-14 13:20:34 被【jeniper】修改
网易论坛,天天相伴
Your story may not have such a happy beginning, but that doesn't make you who you are. It is the rest of your story, who you choose to be.
jeniper jeniper 发送消息 TA的微博
等级:
花花花

积分: 28271

发帖: 11417 篇

在线时长: 1258 小时

6楼   2011-08-13 18:38:39 举报
管理
[壹週刊 第1118期]同你吟一吟 薛凱琪執到 
 


樂小姐主動埋去咬耳仔,之後再攬住薛凱琪同陳法拉一齊合照,呢張相,都算奇景!
 
邵氏新戲《勁抽福祿壽》星期一(八日) 响圓方舉行首映禮,繼續出行力,捧王祖藍、阮兆祥、李思捷,不過牡丹雖好,都要無 綫花旦扶持,公司派出陳法拉、高海寧、張可頤拱照福祿壽,當中更包括外姓人薛凱琪。

身為五大唱片歌手,冇份上《勁歌金曲》,反而有份拍邵氏出品 嘅電影,據聞無 綫以宣傳為重,照樣安排薛凱琪同戲中其他演員一齊接受訪問!
可以重現無 綫,薛凱琪肯定唔會對住鏡頭問候人娘親,聽教聽話最得人鍾意,所以首映禮上,高層樂易玲主動埋去同薛凱琪乾杯打招呼,就算唔可以即時解封,都叫做攞番個彩!









人愈紅,個樣愈靚,係 o架,你睇林欣彤,拉直頭髮掃個淡妝 嚟睇首映,我差 啲唔認得佢!
 
撰文:八珍
   本贴于 2011-08-14 13:19:45 被【jeniper】修改
网易论坛,天天相伴
Your story may not have such a happy beginning, but that doesn't make you who you are. It is the rest of your story, who you choose to be.
jeniper jeniper 发送消息 TA的微博
等级:
花花花

积分: 28272

发帖: 11417 篇

在线时长: 1258 小时

7楼   2011-08-13 18:38:55 举报
管理
[壹週刊 第1118期]同你吟一吟 楊思琦真波最怕火
 


真人演出波動拳 
 
醫學昌明,加上胸圍愈出愈神奇,令一眾女星心口發水比例大幅偏離市場預期。既然假的真不了,真波更加百看不厭,尤其係實力派 嘅楊思琦,上個禮拜三(八月三日),佢同陳敏之、徐子珊等出席上市公司祝捷會,低胸登場夠晒睇頭。

同李泳豪拍拖期間,被指繑埋雙手咩都唔做 嘅楊思琦,家頭細務幫狗執屎都由李泳豪負責,當日大會安排一男一女組隊比賽廚藝,楊思琦的確雞手鴨腳,煎蝦碌仲俾滾油彈中心口,真胸有血有肉,楊思琦兩肉球激蕩,效果比夾硬谷出迷你山丘 嘅陳敏之,好睇萬倍。

人為效果差強人意,當中仲有疑似打假波 嘅 Jeana(何佩瑜)。星期一(八日)佢同 Hidy(余曉彤)加埋黃婉曼出席 NOW活動。做完書展動漫展, Jeana呢日保留實力,露腰不露胸,明顯忽略黃婉曼係對手,想當年佢跳?跳?報天氣,心口斤兩有目共睹, Jeana想贏都難。



唔識煮飯 嘅楊思琦下廚,俾滾油彈中心口叫救命,同時無心谷出無添加球技!



本來無一物 嘅陳敏之,忽然有料到,佢話全靠條裙,唔知點解一著上身就 嚟料,但效果有 啲夾硬。


莫講話黃婉曼,呢日 Jeana都唔夠 Hidy(右)搶鏡,封胸失敗!




思考題,如果傳說中 Jeana打假波千真萬確,圖中佢同黃婉曼 嘅事業線,的確有分別!
 
撰文:八珍
   本贴于 2011-08-14 13:18:23 被【jeniper】修改
网易论坛,天天相伴
Your story may not have such a happy beginning, but that doesn't make you who you are. It is the rest of your story, who you choose to be.
jeniper jeniper 发送消息 TA的微博
等级:
花花花

积分: 28273

发帖: 11417 篇

在线时长: 1258 小时

8楼   2011-08-13 18:39:24 举报
管理
[壹週刊 第1118期]探熱針 多是非無人緣 3號許亦妮照贏 
 


肋骨大過胸的 3號許亦妮,比賽當晚繼續豪放本色,當眾自摸。
 
為搣甩豬扒港姐污名,週日(八月七日)港姐決賽,無綫唔再堅持美貌與智慧並重,決定以貌取人行先。
過往只有海外佳麗先會出現廣東話障礙,今年無綫將條例放寬,令鄉音未改、兼是亞姐棄將的 5號朱晨麗大熱摘冠,除此之外, 3號許亦妮專黐有錢人的負面報導日日新鮮,賽前又被揭欠債十萬,債主揚言要現身電視城追數,形象盡毀,但她照樣捧走最上鏡小姐同季軍,今屆港姐夠晒千奇百趣。

淡定得戚

港姐決賽, 3號許亦妮肋骨大過胸的情況不再,可惜有美貌無口才,尤其話人類由豬進化而成,主持曾志偉老實不客氣咬住唔放,司儀無面俾,許亦妮在港姐交換禮物的環節上亦空手而回,證明人緣差。「成日當正自己係上等人,當其他女仔(佳麗)透明,邊會有朋友吖?」一名幕後人員透露。
賽前同 5號朱晨麗叮噹馬頭,許亦妮最終贏得「最上鏡小姐」及季軍,對於成為手下敗將,許亦妮皮笑肉不笑說:「我覺得朱晨麗係實至名歸囉!」至於被指欠債,賽前遭債主威嚇踩入電視城收數,許亦妮更加寸嘴:「我都奇怪點解唔嚟!」

比賽結束,凌晨二時接受完官方刊物訪問後,許亦妮與「國際親善小姐」 6號梁麗翹在無綫的護送下返回觀塘住所,一手湊大許亦妮的外傭,專程由菲律賓返港為她打氣,當晚更在許家樓下等候小姐凱旋回歸,但許亦妮堅持要父親開路護航,遲遲唔肯落車。
擾攘十分鐘,大廈保安上前同許亦妮講:「許生話唔落,叫你自己上去。」許亦妮才死死地氣落車,吩咐兩名外傭幫手攞行李上樓。



零人緣的許亦妮,港姐交換禮物環節上,空手而回。



許亦妮是非不絕,被揭愛黐富二代,與唐貝詩(右一)份屬朋友。



比賽結束,許亦妮返抵家門後擺款唔願落車,要大廈保安(白衫)上前勸她下車返家。



許父拒落樓接女,許亦妮才死死氣落車,再將所有物品轉交等待多時的兩名外傭。



同陳法拉有幾分相似的 5號朱晨麗,曾參選亞洲小姐網絡賽。



比賽當日,不再肋骨大過胸的許亦妮拍埋亞軍 14號朱希敏旁,身形大一截。



5號朱晨麗大熱封后, 14號朱希敏爆半冷跑出成為亞軍,至於 3號許亦妮奪季之餘,再攞埋最上鏡小姐。



朱晨麗一度「失憶」,對參選亞姐一事完全忘記,於慶功宴上才恢復記憶,由外事部副總監曾醒明陪同下接受訪問,承認曾參選亞姐。
 
悶親四太女

被賭王何鴻燊公開稱讚「靚到不得了」的四太細女何超欣,當晚陪媽咪梁安琪睇港姐,因座位所限,超欣未能同四太及兩名胞兄同坐,加上港姐悶場多,開騷唔夠半個鐘,超欣已經周身郁坐唔定,不時同身邊朋友咬耳仔解悶。坐到吽,索性開紫菜食。
節目臨近結束,開始失去耐性的超欣,甚至公然?心口、搽藥膏,反轉何家淑女的故有作風。



雞琢唔斷
悶爆的何超欣,開騷唔夠半個鐘已經同友人頻頻咬耳仔。



心口一向無肉的胡杏兒,港姐決賽當晚出盡全力谷胸,?低身同利孝和夫人打招呼,三吋人造事業線表露無遺。



食紫菜



咬手指



?心口
年紀輕輕的何超欣吃完紫菜,接住咬手指,之後再擦藥膏,全晚坐唔定。
 
陳總細心

陳志雲的貪污案九月才有判決,陳總亦一改高調作風,以往傍實六叔六嬸重任,只好假手樂易玲,自己則在開騷前一刻才現身。
其間,陳總察覺一廠冷氣強勁,於是走到六嬸旁邊稍作提示,半小時後,有人攞着暖包交到陳總手上,再由他轉交六嬸,讓一百零三歲的六叔保暖。細心又體貼,樂易玲遠不及陳總周到。



陳總細心過人,開騷不久,命人買來暖包給六嬸,替六叔保暖。




撰文、攝影:娛樂組
   本贴于 2011-08-14 13:16:48 被【jeniper】修改
网易论坛,天天相伴
Your story may not have such a happy beginning, but that doesn't make you who you are. It is the rest of your story, who you choose to be.
jeniper jeniper 发送消息 TA的微博
等级:
花花花

积分: 28274

发帖: 11417 篇

在线时长: 1258 小时

9楼   2011-08-13 18:39:53 举报
管理
[壹週刊 第1118期]虛位以待 補替佘詩曼 胡杏兒 鍾嘉欣爭崩頭 
 


我都識唱歌 o架!(設計對白)
爭嚟做乜?(設計對白) 
 
無綫首席花旦佘詩曼離巢後,有機會向上攝位的胡杏兒跟鍾嘉欣,第一時間擔定凳仔;在新劇《樂府藏龍》中,二人戲中為爭男仔姊妹都無情講,現實中,一樣拼過你死我活。
據了解,同屬 Neway唱片公司旗下歌手的胡杏兒及鍾嘉欣,近日為有份 孭飛電視劇爭唱主題曲,各出奇謀,分別向無 綫高層發功,不過為免兩「親生女」傷和氣,公司決定由巨聲幫歌手頂上。 ?蚌相爭,漁人得利!

互相出招

上週一(八月一日),胡杏兒跟鍾嘉欣同場在電視城古裝街為《樂府藏龍》埋尾,表面上,一班演員開開心心為男主角歐陽震華搞生日慶祝,戲中飾演波比老婆的胡杏兒買定蛋糕 氹老公,又輪流爭嘴壽星公;但開工拍劇三粒鐘,胡杏兒跟鍾嘉欣全程冇偈傾,就算圍埋切生日蛋糕,都刻意分開企各有各,面左左!
「杏兒同嘉欣從來好少麻煩嘢,今次兩個人一齊拍劇,亦冇話爭戲份,但反而爭住唱主題曲。杏兒早排成日搵住樂小姐,嘉欣又同監製不斷講自己好有興趣,兩個都係『親生女』,邊個唱都會俾人話大細超,公司最後決定將主題曲交俾《巨聲》歌手唱,費事兩個爭餐死。不過,佢哋知道對方都出過招,個心梗係唔舒服,好多時開工都冇睬。」劇中工作人員透露。



冇偈傾
切完蛋糕,胡杏兒一味扯住歐陽震華傾偈,在旁的鍾嘉欣則扁嘴唔講嘢。



彈開
拍足三粒鐘,兩個人就算等埋位,都唔肯企埋一齊,彈開幾個身位。



明知多勞多得,拍完《樂府》,胡杏兒即入廠跟李詩韻、李思捷以及王浩信為新劇《換樂無窮》開工。



同陳豪合作《點解阿 sir係阿 sir》,拍得開心的鍾嘉欣出席活動時全程四萬咁口。
 
視后鋪路

大家冇份,一拍兩散!計落無蝕章的胡杏兒日前復工埋位拍杜琪峯執導、等足一年終於埋尾的電影《奪命金》,在將軍澳踩完電視劇再飛車出土瓜灣開工,一樣鬼打咁精神,跟戲中老公任賢齊拍完一場喊戲,一 cut機就笑番,有傾有講。
「杏兒同嘉欣今年都有機會爭視后,所以兩個都搏到盡,杏兒下半年接咗三部劇,完全唔爭取要放假;嘉欣身體麻麻,早排成日冧廠,但拍完《樂府》,又即刻同樂瞳開新劇,大家都知聽話有分加,想攞視后,會考慮好多因素 嘅。」知情者說。
對於胡杏兒跟鍾嘉欣爭歌唱, Neway高層黃先生聲稱未有聽聞,但就承認曾向無綫提出用胡杏兒唱主題曲。「公司係屬意俾杏兒唱,因為想將首歌放喺佢張新碟入面,不過最後都係睇無綫決定。」



拍《奪命金》,胡杏兒跟任賢齊做夫妻,拍完一場喊戲,胡杏兒即搭住任賢齊有傾有講。






有機會跟任賢齊以及劉青雲合作,難怪胡杏兒冇得瞓都要幫電影埋尾。






由發哥引薦拍國產大製作《建黨偉業》,胡杏兒雖然只剪剩一秒戲,依然悉心打扮出席首映。



公開承認戀情後,胡杏兒跟黃宗澤不時出席活動?銀。
 
各不相讓

胡杏兒、鍾嘉欣走嘅路線雖然唔同,但要成功攝上當家花旦寶座,
除咗瓣瓣掂,仲要幫公司搵到錢。

胡杏兒




撰文、攝影:娛樂組
   本贴于 2011-08-14 13:15:40 被【jeniper】修改
网易论坛,天天相伴
Your story may not have such a happy beginning, but that doesn't make you who you are. It is the rest of your story, who you choose to be.
jeniper jeniper 发送消息 TA的微博
等级:
花花花

积分: 28275

发帖: 11417 篇

在线时长: 1258 小时

10楼   2011-08-13 18:40:21 举报
管理
[壹週刊 第1118期]好男好女 闊太唔易做 溫碧霞

幾乎全身各部位都有廣告代言的 Irene,早前應內地護膚品牌邀請在廣州拍香氛廣告。
剛剛度過四十五歲生日的溫碧霞,美貌身材未走樣,還依然性感。與有米美籍老公何祖光結婚十年,去年在內地領養兒子何國倫,又以七位數在峇里島建 dream house,生活無憂令人羨慕,曾經,她也疊埋心水做闊太,經常陪老公去 Ball場應酬,但近幾年的出席率幾乎是零,她坦白說:「那個唔係我 嘅世界。」 Irene寧願選擇捱更抵夜繼續工作。

兩種生活

溫碧霞( Irene)○○年與年薪半億、任職瑞士私人銀行寶盛香港區董事,國民黨元老何應欽孫兒何祖光結婚,家住清水灣三千萬豪宅的 Irene,生活無憂,日日出入名店、 Ball場去 high tea,輕輕鬆鬆做闊太,但最終她選擇工作,謝絕闊太生活。
其實婚後頭幾年 Irene曾一度活躍過 Ball場,與何超瓊、九巴媳婦雷林靜怡、賭王四太等同場出席社交場合,更與永隆銀行後人劉清儀做了好友。但始終 Irene有自己一套生活態度,珠寶首飾、名牌手袋, Irene話不是花不起,只是覺得有時太多會很浪費,「著衫唔一定要買名牌,我覺得花錢在買樓買車,可能更實際。」
作為人妻,老公因為工作關係,需要出席一些社交場合, Irene只好相陪,「佢知我唔鍾意去,但有時都要為佢諗?,間中我會陪佢去。」
唔恨做闊太,近年學油畫的 Irene,只想繼續做靚太,多年來不變的身材,總有她的方程式,「我是一個唔鍾意食飯的人,平時食得簡單,飲多些湯水,有時食?冬蟲草同燕窩,對身體好有益。」除了飲食, Irene平日好注重運動,尤其做瑜伽,不過真正令她年年似三十,她堅信的說:「經常 keep住開心,做人最緊要樂觀。」



溫碧霞曾活躍社交活動,與永隆銀行後人劉清儀(左)成為 Ball友。(《忽然 1周》圖片)



婚後溫碧霞曾努力融入上流社會,出席 Ball場,但始終格格不入。(《蘋果日報》圖片)
 
自由空間

自三年多前謝絕 Ball場, Irene在娛樂圈再度活躍,密密接 job拍廣告、拍戲、出唱片和寫真,靠自己搵食,因而一度被傳婚姻亮紅燈,對於傳聞, Irene只是得啖笑。
事實上,她同老公結婚十年,坦言兩個人相處總會有磨擦,「兩公婆總會有拗撬,我同老公 嘅性格都唔鍾意嗌交,大家會選擇唔出聲,等大家靜下先。」

眼見時下夫婦,動不動便嗌離婚, Irene奉勸的說:「好多人嗌交時,一些唔應該講的說話會講了出來,只會傷感情,試問又有邊個男人鍾意女人發脾氣。」更難得老公對她包容,「我唔生 BB佢唔會逼我,要維繫一段婚姻,好大因素要有各自的空間。」

Irene和老公因工作經常不在港,一個月內只有一半時間見到面,「人好奇怪,日日見唔知對方有幾好,見唔到就會掛住,間中我 哋會放下工作去度吓假,感覺好 sweet,可能呢種叫做情趣。」
上月尾, Irene舉行四十五生日派對,和老公何祖光人前人後依然恩愛,更難得 Irene早年因曾傷腰骨,加上高齡生育會有風險,老公同意領養小孩,兩年前他們在內地領養了兒子何國倫,一家三口的家庭生活,令夫婦二人更重視「家」的感覺。



上月尾低胸打扮的溫碧霞舉行四十五歲生日會,老公何祖光送上名車馬莎拉蒂做禮物。



「海潮」令溫碧霞,在內地的登台和廣告工作長做長有,上月就曾一口氣接了五個廣告,而每次在拍攝現場都有粉絲送花等合照。



五個廣告中包括做上海皮草批發商的代言人。



再接戲的 Irene,在廣州為新片《 1911》開工,拍一場被毒死的煞科戲。
 
最後衝刺

憑《火玫瑰》紅遍內地廿年的她,仍是內地廣告商搶手貨,近月先後拍了皮草、香氛、服裝、美容院,甚至整形醫院的廣告,加埋接拍趙崇基的新片《 1911》,收入達七位
數字。
十六歲入行拍《 o靚妹仔》,接近三十年了,還要繼續拼嗎? Irene說:「退休是遲早的事,曾經定過目標四十歲就唔做,點知又繼續有人搵我。」
始終有子萬事足, Irene說總有一日會退下來,「囝囝上小學時,我會放多時間陪佢學習,況且五年後我都五十歲了。」



去年 Irene在內地領養兒子何國倫,為愛兒花廿萬搞一歲生日會,好友梁李少霞(左)和陳淑芬(右)戥她開心。(《忽然 1周》圖片)



她說當初只想二人世界,所以錯失了生育的時機,到收養了國倫,才更有「家」的感覺。



溫碧霞與何祖光在泰國布吉舉行婚禮,由劉倩怡(右一)和吳大維(左一)任伴娘、伴郎。(《蘋果日報》圖片)



身材十年如一日的 Irene,九九年曾推出三點式噴血寫真集《解脫》。



九二年在電視劇《火玫瑰》飾演跌膊海潮。



拍過廿多部電影的 Irene,九六年與任達華合作《驚變》,露點演出。

撰文:羅婉玲
攝影:葉志明、吳健輝
   本贴于 2011-08-14 11:16:55 被【jeniper】修改
网易论坛,天天相伴
Your story may not have such a happy beginning, but that doesn't make you who you are. It is the rest of your story, who you choose to be.
jeniper jeniper 发送消息 TA的微博
等级:
花花花

积分: 28276

发帖: 11417 篇

在线时长: 1258 小时

11楼   2011-08-13 18:41:42 举报
管理
[壹週刊 第1118期]本週生肖運程 鼠


勿失良機
工作忙碌兼且機會洶湧而來,偏偏本週心情閒逸,嚮往玩樂多於在崗位上發熱發光,小心錯失提升事業的好機遇。


注意實踐
踏入多思多想的周期,行動力下降,小心被身邊人誤以為你在偷懶,應不時提醒自己行動才是最實際。


保持冷靜
變動特多,壓力及是非將令閣下變得情緒化,處事時也會三心兩意,每每為自己及別人添加煩惱,應學習保持冷靜。


貴人扶持
內心的壓力令你容易作出錯誤決定,猶幸貴人運不俗,決策前不妨向可靠的長輩徵詢意見,對方更能助你減壓。


學習客觀
人事困擾令你感覺孤立無援,容易胡思亂想的內心更會令你把問題無限放大。難過時應提醒自己客觀分析實況,別自尋煩惱。


別太貪心
工作及社交均異常忙碌,加上還有兼職的機會不斷向你招手,小心因太貪心而弄巧成拙,更要衡量自己的身體是否負荷得了。


坦誠相告
忙碌的工作令你萌生不勝負荷之感,不妨坦誠地向關心你的上司或前輩反映實況,他們定會施以援手。


愛情運好
思想不清令你懶得應酬,不過本週人緣及愛情運特好,若能提起精神參與社交活動,隨時會有意外的收穫,勿失良機啊!


別太擔心
工作壓力大增,同時更要面對各種的是非及挑戰,令肖猴者感覺苦不堪言。咬緊牙關吧!天大的問題也總有解決辦法!


被迫選擇
愛情運高企,但偏偏遇上工作運同樣向好的周期,迫使閣下必須二擇其一。若選擇愛的話,要提防新對象早有伴侶。


尋找快樂
心情容易敏感低落,小心因此而影響工作表現。不妨多找好友相聚,也可參與一些興趣班,負面的情緒將很快煙消雲散。


開心消費
消費及吃喝玩樂的意欲高企,若經濟情況許可,偶爾放縱一下自己也無可厚非。女性貴人運不俗,何不買點禮物送給對方?
网易论坛,天天相伴
Your story may not have such a happy beginning, but that doesn't make you who you are. It is the rest of your story, who you choose to be.
jeniper jeniper 发送消息 TA的微博
等级:
花花花

积分: 28277

发帖: 11417 篇

在线时长: 1258 小时

12楼   2011-08-13 18:43:03 举报
管理
[壹週刊 第1118期]星座 眾裡尋他 獅子座

阿諾舒華辛力加是一個不折不扣的獅子典型。喜歡被注視,喜歡被仰望。影而優則政,奧地利出生的他,硬是坐上了加利福尼亞州的州長寶座。最近承認與女管家有染,並早已誕下私生子。報導說阿諾喜歡樣貌平庸的女性,因為這會令他感覺自己「更加有吸引力」,相反漂亮的女子則遭他嫌棄。為了抬高自己的地位,不惜戀上醜婦,試問誰人能及?

Bad 白羊座
3/21~4/20
意難平,為失眠所困的一週。週末如有機會參加聚會,須盡量投入,不然將會給你帶來更多的煩惱。
幸運日:週一 至 friend星座:天蠍

Good 金牛座
4/21~5/20
本週,一件拖了很久的事終可得到解決,令你心情輕鬆起來,因而和朋友社交生活也漸漸恢復。
幸運日:週五 至 friend星座:獅子

雙子座
5/21~6/20
你變得比以前懶散,抱着拖得就拖的態度。這個星期的情緒起伏較大,常常想跟人吵架以洩憤。
幸運日:週一 至 friend星座:雙子

巨蟹座
6/21~7/20
這個星期在工作、學習上的問題需要來回反覆處理相當沉悶。也容易忘掉事情,令人大失所望。
幸運日:週四 至 friend星座:人馬

獅子座
7/21~8/21
比較奔波的一週,會去些平時去不到的地方,並碰到阻礙。但只要冷靜處理就不會造成太大影響。
幸運日:週日 至 friend星座:山羊

處女座
8/22~9/22
生活相對有趣味的一週,發現日子變得比以前要有意思,結識到新朋友還從他們身上學到很多東西。
幸運日:週三 至 friend星座:雙魚

天秤座
9/23~10/22
本週過得一點都不輕鬆。有些事發生在別人身上總覺得容易處理,直至自己遇上才知過重的複雜情況。
幸運日:週二 至 friend星座:巨蟹

天蠍座
10/23~11/22
單身的有機會認識性格相近的朋友,更有可能發展成為一對。不要小看自己的實力,有信心才會贏。
幸運日:週日 至 friend星座:獅子

人馬座
11/23~12/20
以前所難以碰到的工作機會,有可能在本週碰到。如果處理得宜對你大有好處,千萬別急功近利。
幸運日:週三 至 friend星座:金牛

山羊座
12/21~1/19
本週的工作並不順利,作息時間表常因工作安排而更改。此外,和別人合作時不可大意,容易上當。
幸運日:週二 至 friend星座:獅子

水瓶座
1/20~2/18
近來一直感覺心神不寧,無法安睡?找個從沒去過的地方,讓自己一個人安安靜靜地休假充電吧。
幸運日:週一 至 friend星座:白羊

雙魚座
2/19~3/20
由於忙着自己的事而少了和朋友碰面,令你相當失落。發脾氣的情況也時有增加,需要找人傾訴。
幸運日:週六 至 friend星座:處女
网易论坛,天天相伴
Your story may not have such a happy beginning, but that doesn't make you who you are. It is the rest of your story, who you choose to be.
jeniper jeniper 发送消息 TA的微博
等级:
花花花

积分: 28278

发帖: 11417 篇

在线时长: 1258 小时

13楼   2011-08-13 18:44:10 举报
管理
[壹週刊 第1118期]壹人壹句 壹人壹句
 
當年他走私油,福建油價是全國最低的。
——廈門一名的士司機懷念賴昌星。三藩市《星島日報》
 
與其坐喺度俾人打,不如自己打自己。
——壹傳媒即將發行免費報紙《爽報》,或影響同系的《蘋果日報》銷量,執行董事葉一堅在所不計。《信報》
 
拿錢投資獲得多少收益,取決於你是想吃得好,還是睡得香。
——股神畢菲特寧願睡個好覺。《廣州日報》
 
責任最苦,責任也最樂。
——內地八十後車站職員裴永紅為阻火車撞油庫,手臂被火車撕斷,他仍奔百米叫停火車,救了上千人,無怨無悔。《蘋果日報》
 
廚房即係廁所即係睡房即係廳囉!
——人口普查統計員到訪劏房,問單位有幾多個廳,戶主這樣答,但統計員仍寫下一廳一廚一浴,因為問卷沒有一房多包的選擇。《明報》
 
美國可以償還任何債務,因為我們隨時都可以印鈔票來付債。
——美國被調低信貸評級,格林斯潘替美國國債辯護。《法新社》
 
Please wait outside rice-flour noodle.
——北京首都機場告示:「請在一米線外等候。」妙在英文譯本。
   本贴于 2011-08-13 18:44:32 被【jeniper】修改
网易论坛,天天相伴
Your story may not have such a happy beginning, but that doesn't make you who you are. It is the rest of your story, who you choose to be.
11747 浏览 12 回帖  
帐号: 密码: 注册
手动保存 | 恢复内容 | 清除内容
如何用手机快速回复?
验证码 ()
看不清,换一张 点击换一张
回复本帖
注册通行证
忘记密码?
取消