留言集 : 人生自古誰無史 鄭希怡
人 生 自 古 誰 無 「 史 」 ， 歷 史 個 史 。
Yumiko 的 歷 史 ， 本 是 平 平 無 奇 。
做 model 、 拍 廣 告 、 參 加 歌 唱 比 賽 、 唱 歌 拍 戲 拍 電 視 ， 不 漫 長 也 不 迂 迴 。
○ 六 年 ， 一 次 意 外 甩 褲 ， 為 平 凡 星 途 添 上 不 平 凡 。
○ 七 年 ， 再 下 一 城 ， 跳 舞 跳 到 露 點 ， 就 不 是 梨 花 帶 雨 能 夠 擺 平 的 事 了 。
照 顧 自 己
Yumiko 出 道 六 年 ， 濕 身 拗 腰 踢 腿 全 都 做 過 ， 表 演 的 不 是 飛 人 就 是 飛 車 ， 就 是 從 未 kawaii 過 。
「 叫 我 着 條 傘 裙 扮 玉 女 ， 我 諗 自 己 見 到 都 想 嘔 ！ 」 她 狂 笑 。
所 以 ， 我 們 都 以 為 Yumiko 很 強 。
「 都 是 撐 出 來 的 。 我 長 得 成 熟 ， 上 到 台 ， 要 告 訴 自 己 在 鏡 頭 前 一 定 要 淡 定 、 大 體 。 我 牛 高 馬 大 ， 再 扮 可 愛 就 很 肉 酸 。 」
那 《 秀 才 愛 上 兵 》 演 傻 大 姐 陳 細 妹 ， 應 該 是 自 己 寫 照 吧 ？
「 也 算 是 ， 我 的 確 有 那 股 傻 勁 ， 只 不 過 做 歌 手 時 一 直 收 得 好 好 。 」
難 怪 入 型 入 格 。 面 對 馬 浚 偉 、 黎 耀 祥 、 羅 冠 蘭 這 些 老 戲 骨 ， 新 手 Yumiko 也 沒 有 被 比 下 去 。
「 他 們 演 技 好 ， 眾 所 周 知 ， 但 原 來 連 李 思 捷 都 好 勁 ， 他 可 以 一 口 氣 唸 三 頁 紙 對 白 ， 我 好 佩 服 。 第 一 次 拍 劇 ， 所 有 事 都 覺 得 好 新 鮮 。 」
花 花 世 界 混 得 久 了 ， 突 然 進 入 電 視 城 ， 像 進 大 觀 園 。
「 拍 電 視 令 人 長 大 。 以 前 ， 有 司 機 、 助 手 、 化 妝 師 、 髮 型 師 ， 甚 麼 都 不 用 拿 ， 行 程 也 有 人 幫 手 記 。 但 拍 劇 那 三 個 月 ， 日 日 自 己 開 工 ， 右 手 邊 揹 摺 椅 ， 左 手 邊 揹 化 妝 袋 ， 還 有 水 、 餅 乾 、 劇 本 … …
「 最 擔 心 是 累 街 坊 ， 阻 人 收 工 。 好 彩 ， 個 個 知 我 新 ， 都 肯 教 我 。 那 張 摺 椅 ， 化 妝 阿 姐 教 我 去 吉 之 島 買 的 ， 椅 背 高 度 可 調 校 ， 用 來 睡 覺 都 可 以 。 」
打 磨 三 個 月 ， 的 確 可 以 刮 目 相 看 。 至 少 ， Yumiko 懂 得 照 顧 自 己 。 被 棍 打 瘀 了 下 巴 ， 知 道 那 個 牌 子 遮 瑕 膏 好 用 ； 眼 睛 發 炎 生 瘡 ， 她 自 己 開 車 去 醫 院 放 膿 。
「 做 歌 手 幸 福 ， 但 不 容 易 獨 立 。 做 藝 員 辛 苦 ， 但 這 些 經 驗 是 錢 買 不 到 。 」
父 母 長 居 上 海 ， 與 Yumiko 相 處 時 間 不 多 。 「 屋 企 人 從 來 唔 會 因 某 單 新 聞 而 問 我 嘢 ， 免 卻 我 好 多 麻 煩 。 佢 哋 似 fans ， 我 做 乜 都 支 持 ， 咁 嘅 父 母 真 係 好 唔 話 得 。 」
「 每 個 人 都 有 本 歷 史 書 ， 你 提 起 ， 只 不 過 將 Yumiko 的 歷 史 書 揭 去 那 頁 。 這 樣 想 ， 便 不 會 覺 得 你 在 揭 我 瘡 疤 。 」
在 娛 樂 圈 生 存 ， 需 要 無 比 勇 氣 和 EQ 。 危 機 處 理 得 好 ， 說 不 定 也 有 得 。 Yumiko 就 贏 得 不 少 同 情 分 。
「 之 後 再 上 台 ， 老 實 講 ， 好 怯 ， 不 知 觀 眾 會 用 甚 麼 眼 光 看 我 。 足 足 一 個 月 ， 心 情 才 能 平 伏 。
「 學 到 很 多 ， 第 一 ， 當 然 要 小 心 。 第 二 ， 知 道 邊 個 真 正 對 自 己 好 。 」
弦 外 之 音 ， 是 她 知 道 誰 對 自 己 虛 情 假 意 。 加 拿 大 出 事 那 次 ， 英 皇 娛 樂 藝 人 管 理 部 總 監 Mani （ 霍 汶 希 ） 親 自 前 往 接 機 ， 自 是 一 支 定 心 針 。 但 也 有 人 乘 機 抽 水 博 宣 傳 ， 如 名 模 周 汶 錡 ， 去 年 《 東 華 》 與 Yumiko 表 演 飛 車 ， 她 便 揶 揄 對 方 ： 「 我 唔 需 要 一 夜 成 名 ， 總 之 唔 甩 褲 就 得 ！ 」 非 常 挑 釁 。
「 有 真 心 幫 我 的 ， 也 有 講 風 涼 話 的 ， 見 識 到 很 多 不 同 嘴 臉 。 算 啦 ， 嬲 得 幾 多 個 ？ 是 但 啦 ， 可 以 的 話 ， 不 想 再 諗 那 些 無 謂 人 。
「 都 廿 六 歲 了 ， 難 道 還 扮 可 愛 博 同 情 ？ 我 從 來 不 是 那 類 人 。
「 其 實 ， 我 並 非 大 家 想 像 中 咁 醒 。 」
揭 去 那 頁
第 一 次 ， 是 ○ 六 年 《 歡 樂 滿 東 華 》 ， Yumiko 表 演 空 中 飛 人 時 長 褲 鬆 脫 ， 露 出 T-back 內 褲 。 第 二 次 ， 是 ○ 七 年 《 新 秀 歌 唱 大 賽 多 倫 多 選 拔 賽 》 ， 她 tube top 移 位 ， 露 點 。 兩 次 事 件 ， 在 YouTube 被 人 無 限 點 擊 ， 怎 樣 說 ， 都 是 羞 家 。
Yumiko 也 明 白 ， 每 次 訪 問 ， 總 難 免 被 揭 瘡 疤 。
「 我 知 ， 你 們 一 定 會 問 。 其 實 隻 字 不 提 一 點 不 難 ， 訪 問 前 事 先 聲 明 唔 講 ， 也 可 以 叫 身 邊 人 幫 手 ， 當 甚 麼 事 也 沒 發 生 過 。 但 ， 係 咪 過 到 自 己 先 ？
「 與 其 屈 住 ， 我 情 願 選 擇 接 受 和 面 對 。 」
道 理 其 實 很 簡 單 ， 要 防 止 別 人 在 你 傷 口 上 灑 鹽 ， 最 佳 辦 法 ， 是 讓 傷 口 癒 合 結 痂 。
「 兩 次 走 光 ， 在 廿 六 年 的 人 生 旅 程 上 ， 絕 對 是 重 大 打 擊 。 但 發 生 了 就 是 發 生 了 ， 我 會 承 認 那 是 自 己 歷 史 一 部 分 。
「 我 承 認 ， 那 是 我 的 過 失 ， 是 自 己 歷 史 一 部 分 。
與 其 讓 人 揭 瘡 疤 ， 不 如 接 受 和 面 對 。 」
女 藝 人 要 捍 衛 的 ， 除 了 自 己 身 體 ， 還 有 尊 嚴 。
Yumiko 不 是 阿 嬌 ， 自 己 犯 的 unforced error ， 不 會 有 人 報 警 出 頭 。
「 要 自 己 企 番 起 身 ， 就 算 有 人 扶 ， 都 要 自 己 肯 起 身 。 」
塞 翁 失 馬 ， 焉 知 非 福 。
曾 經 上 下 失 守 ， 如 今 拍 劇 入 屋 。
不 用 留 取 丹 心 照 汗 青 ， 最 緊 要 ， 不 會 嚇 到 面 青 。
跟 自 己 比 較
錢 買 不 到 的 ， 還 包 括 觀 眾 的 包 容 。 第 一 次 拍 劇 ， 只 要 中 規 中 矩 ， 已 不 難 有 掌 聲 。 之 不 過 ， 三 年 前 同 一 系 列 《 秀 才 遇 着 兵 》 珠 玉 在 前 ， 周 麗 淇 還 憑 此 劇 奪 台 慶 「 飛 躍 進 步 獎 」 。 Yumiko 跟 周 氏 姊 妹 ， 看 來 真 有 點 冤 家 路 窄 。
「 有 看 過 之 前 那 套 ， 但 只 看 了 五 集 。 看 得 多 ， 怕 自 己 會 模 仿 。 觀 眾 一 定 會 拿 我 們 比 較 ， 但 無 得 驚 ， 驚 就 不 要 接 。
「 做 人 應 該 跟 自 己 比 較 。 」
到 底 是 上 海 姑 娘 ， 多 少 有 點 氣 魄 。
Yumiko 原 名 鄭 烈 瓊 ， 十 歲 來 港 ， 讀 保 良 局 第 一 張 永 慶 中 學 。 中 一 至 中 三 ， 是 「 鵪 鶉 」 一 名 。
「 老 師 說 ， 看 我 的 樣 子 ， 就 知 我 應 該 要 當 班 長 。 結 果 ， 真 的 做 了 幾 年 班 長 。
「 我 是 那 種 典 型 怕 事 學 生 ， 夏 天 三 十 多 度 都 穿 冷 背 心 ， 怕 男 同 學 看 到 個 bra 。 」
中 四 ， 開 始 反 叛 ， 喜 歡 唱 K 。
「 趙 學 而 那 首 〈 尋 開 心 〉 ， 可 以 連 續 唱 十 幾 次 。 那 時 最 喜 歡 謝 霆 鋒 、 何 嘉 莉 。 」
冥 冥 中 像 有 主 宰 ， 飛 圖 後 來 變 成 英 皇 ， Yumiko ○ 二 年 簽 英 皇 ， 偶 像 變 了 同 事 。 當 年 怕 被 男 同 學 看 到 個 bra 的 ， 反 而 剝 剝 剝 ， 甚 麼 都 豁 出 去 。
「 由 細 到 大 得 個 『 高 』 字 ， 自 知 不 是 靚 女 ， 又 沒 有 一 把 好 聲 ， 想 在 市 場 上 有 定 位 ， 就 要 在 形 象 上 下 工 夫 。
「 我 鍾 意 跳 舞 ， 自 然 走 這 條 路 線 。 你 叫 我 企 定 定 仲 難 ， 雙 手 唔 知 放 邊 。 」
當 年 跟 Yumiko 一 起 出 道 的 ， 有 Mandy 和 Maggie ， 三 人 被 稱 為 3T 。 後 兩 者 走 清 純 乖 乖 女 路 線 ， 跑 出 的 只 有 Yumiko 。
「 唔 覺 唔 覺 ， 原 來 已 出 了 八 張 唱 片 。 」 她 有 點 感 歎 。 願 望 ， 是 在 紅 館 開 個 唱 。
「 一 場 都 可 以 ， 將 來 老 了 都 有 個 回 憶 ， 開 心 過 俾 十 層 樓 我 。 」 當 年 住 馬 鞍 山 ， 現 住 港 島 半 山 的 Yumiko 如 是 說 。
走 光 事 件 可 笑 着 面 對 ， 反 而 戀 情 絕 口 不 提 。 曾 與 吳 浩 康 傳 緋 聞 （ 左 ） ， 年 前 被 拍 得 與 化 妝 師 同 遊 日 本 （ 右 ） 。 「 一 講 咗 就 有 壓 力 ， 想 大 家 俾 番 啲 空 間 我 。 」
真 嚇 鬼
Yumiko 一 直 強 調 自 己 唔 靚 ， 舉 了 兩 例 。
「 啱 啱 出 道 時 ， 被 人 翻 舊 帳 ， 笑 我 之 前 拍 廣 告 個 樣 似 黃 家 駒 ； 見 到 我 張 學 生 相 ， 又 話 似 黃 又 南 ， 唔 係 話 又 南 唔 靚 仔 ， 但 女 仔 似 佢 ， 真 係 幾 大 鑊 ！ 」
在 資 料 室 找 到 對 應 相 片 ， Yumiko 沒 有 妄 自 菲 薄 。
面 對 面 ， 又 未 至 於 她 形 容 得 那 麼 不 濟 。 至 少 ， 她 不 麻 煩 ， 不 會 驚 弓 之 鳥 地 挑 剔 衣 服 。 相 由 心 生 ， 都 覺 得 她 笑 起 上 來 某 些 角 度 幾 可 愛 。
好 醜 命 生 成 ， 從 來 不 是 罪 過 。 起 碼 ， Yumiko 那 些 面 部 肌 肉 如 假 包 換 ， 不 像 有 些 人 皮 肉 僵 硬 ， 那 才 真 箇 嚇 鬼 。
Yumiko 甫 出 道 已 行 性 感 ， 當 時 被 標 為 「 少 男 性 幻 想 對 象 」 。 她 說 ： 「 其 實 我 唔 覺 自 己 好 性 感 ， 反 而 覺 得 自 己 把 聲 好 男 仔 。 」
表 演 空 中 飛 人 甩 褲 ， 事 後 被 讚 有 白 滑 靚 股 ， 總 算 執 番 個 桔 。
------------------
庸人自困顾虑过多
