留言集 : 一個屁股的把戲　鄧健泓Patrick

做 藝 人 最 棹 忌 甚 麼 ？ 答 案 是 行 差 踏 錯 。 陳 冠 希 有 辦 你 睇 ， 富 家 子 又 如 何 ？ 潮 人 icon 又 如 何 ？ 闖 了 禍 ， 一 樣 要 潛 水 着 草 。
非 池 中 物 ， 通 常 起 得 快 ， 跌 得 甘 。 平 凡 人 如 你 我 ， 偶 爾 經 歷 高 低 起 伏 ， 已 足 夠 捏 一 把 汗 ， 喘 一 口 氣 了 。
「 我 也 試 過 小 高 潮 。 」 鄧 健 泓 說 。
對 ， 只 是 「 小 高 潮 」 ， 所 以 即 使 跌 下 來 ， 也 不 會 太 傷 。 最 苦 ， 只 是 搵 朝 唔 得 晚 ， 今 日 唔 知 聽 日 事 。 霉 到 盡 時 ， 頂 多 唔 出 街 ， 不 會 犯 眾 憎 ， 未 使 着 草 。

年 關 難 過 年 年 過 ， 三 衰 過 後 ， 自 然 六 旺 。
「 相 士 話 我 衰 三 年 ， 之 後 會 有 番 好 運 。 」
簽 回 TVB ， 再 簽 正 東 唱 片 ， 新 碟 推 出 在 即 。 他 叫 Patrick ， 碟 名 就 叫 《 Pat's Trick 》 。
Trick ， 可 解 妙 計 / 招 數 / 竅 門 / 手 法 / 詭 計 / 惡 作 劇 ， 視 乎 你 點 睇 ， 也 視 乎 當 事 人 怎 樣 演 繹 。
鬼 馬 點 ， 直 譯 做 「 一 個 屁 股 的 把 戲 」 ， 應 該 更 大 賣 。
點 都 好 ， 新 年 流 流 ， 最 緊 要 長 做 長 有 。

壯 士 斷 臂

鄧 健 泓 的 「 小 高 潮 」 ， 發 生 在 ○ 二 年 。 《 男 親 女 愛 》 剛 播 完 不 久 ， 唱 片 《 朋 友 二 號 》 大 賣 ， 與 女 友 原 子 鏸 感 情 穩 定 ， 事 業 愛 情 順 風 順 水 。
只 是 ， 高 潮 通 常 快 過 ， 唱 片 後 勁 不 繼 ， 女 友 嗌 分 手 ， 最 後 連 一 張 電 視 台 藝 員 合 約 也 保 不 住 。
○ 五 年 底 ， 鄧 健 泓 轉 投 漢 傳 媒 ， 理 由 是 當 時 無 綫 制 度 不 肯 將 藝 人 唱 片 合 約 簽 給 其 他 唱 片 公 司 。 鄧 健 泓 離 巢 ， 間 接 令 無 綫 改 制 度 ， 如 今 林 峯 可 以 簽 英 皇 。
一 將 功 成 萬 骨 枯 ， 鄧 健 泓 正 是 那 萬 骨 之 一 。

忽 ： 有 沒 有 想 過 可 以 再 次 出 碟 ？
鄧 ： 如 果 單 單 講 出 唱 片 ， 其 實 不 難 ， 只 要 我 keep 住 寫 歌 ， 將 來 有 錢 ， 自 資 也 可 以 。 但 說 到 有 大 唱 片 公 司 簽 自 己 ， 真 的 沒 想 過 。 好 想 ， 好 恨 ， 但 不 敢 苛 求 。 這 方 面 ， 早 已 打 定 輸 數 。
最 近 再 踏 進 錄 音 室 ， 百 感 交 集 ， 恍 如 隔 世 。 有 些 歌 並 不 難 唱 ， 但 也 很 緊 張 ， 怕 唱 得 不 好 。
忽 ： 一 直 寫 歌 作 詞 ， 有 沒 有 覺 得 觀 眾 忽 視 你 這 方 面 才 華 ？
鄧 ： 也 不 算 忽 視 ， 但 觀 眾 的 確 注 意 我 幕 前 演 出 多 一 些 。 寫 歌 ， 其 實 是 為 自 己 多 一 點 。 前 陣 子 無 嘢 撈 ， 寫 了 〈 螢 火 蟲 〉 給 周 麗 淇 、 〈 厚 愛 〉 給 家 燕 姐 ， 無 非 是 想 證 明 自 己 還 是 個 有 貢 獻 的 人 。 鄧 健 泓 無 碟 出 啫 ， 但 其 他 人 可 以 唱 我 有 份 寫 的 歌 ， 總 算 沒 有 離 開 樂 壇 ， 算 是 自 我 安 慰 吧 。
忽 ： ○ 二 年 的 小 高 潮 ， 為 甚 麼 把 持 不 住 ？
鄧 ： 幸 運 要 來 時 ， 沒 有 原 因 ， 要 走 ， 也 不 會 跟 你 解 釋 。 《 朋 友 二 號 》 那 張 碟 ， 賣 了 一 萬 ， 新 人 來 說 成 績 很 不 錯 。 那 個 時 候 ， 大 家 都 好 像 很 喜 歡 鄧 健 泓 。 之 後 自 己 不 爭 氣 ， 跟 Paco （ 黃 栢 高 ） 解 約 ， 是 商 業 決 定 。
○ 五 年 離 開 TVB ， 是 因 為 他 們 不 但 不 容 許 藝 人 簽 其 他 唱 片 公 司 ， 連 自 資 出 碟 也 不 可 以 。 當 時 感 覺 是 ， 自 己 苦 練 左 手 ， 你 卻 要 我 壯 士 斷 臂 ！ 漢 傳 媒 向 我 招 手 ， 他 們 肯 幫 我 出 碟 ， 換 着 你 都 會 走 。
只 是 ， 萬 萬 料 不 到 之 後 拍 大 陸 劇 被 拖 數 ， 失 盡 預 算 。
忽 ： 一 沉 百 踩 ？
鄧 ： 總 之 是 超 級 認 真 地 黑 仔 。 ○ 四 年 看 相 ， 說 要 霉 黑 足 三 年 。

去 年 拍 《 性 工 作 者 十 日 談 》 ， 飾 一 名 男 妓 ， 與 變 性 人 李 逸 朗 有 激 烈 床 戲 。 「 我 係 藝 人 ， 做 鴨 都 要 做 。 」
鄧 健 泓 早 前 被 問 「 檸 檬 」 和 「 蜜 糖 」 ， 哪 樣 可 以 代 表 陳 志 雲 ， 他 答 蜜 糖 ， 之 後 就 被 寫 成 「 鄧 健 泓 叫 陳 志 雲 做 honey 」 ， 記 者 的 語 言 陷 阱 ， 令 他 萬 劫 不 復 。 今 次 「 做 鴨 」 言 論 ， 大 家 請 勿 無 限 上 綱 。

《 味 分 高 下 》 ， 鄧 健 泓 領 略 很 多 。 「 做 主 持 原 來 有 分 上 下 把 位 ， 我 唔 應 該 以 一 個 平 輩 身 份 同 哈 林 大 哥 做 節 目 ， 應 該 一 早 做 細 佬 ， 等 佢 鬧 下 我 ， 咁 樣 大 家 都 睇 得 舒 服 啲 。 」

不 是 鄧 健 泓 提 起 ， 也 不 發 覺 他 在 《 野 蠻 奶 奶 大 戰 戈 師 奶 》 中 的 戲 份 ， 真 是 「 二 打 六 」 得 可 憐 。

大 陸 劇 《 龍 鳳 呈 祥 》 ， 男 女 主 角 是 秦 漢 和 薛 家 燕 ， 鄧 健 泓 好 歹 是 第 二 男 主 角 。

簽 約 「 正 東 」 ， 陳 志 雲 撐 場 ， 連 司 儀 也 是 鄭 裕 玲 ， 鄧 健 泓 可 謂 威 盡 。 《 壹 週 刊 》 圖 片

最 難 開 口 的 話

幸 好 ， 只 是 三 年 ， 不 是 三 年 又 三 年 。 但 以 一 個 要 養 家 的 大 男 人 來 說 ， 夠 苦 了 。
鄧 健 泓 本 出 身 於 小 康 之 家 ， 中 五 後 到 加 拿 大 讀 美 術 。 此 時 父 親 另 結 新 歡 拋 妻 棄 子 ， 他 毅 然 輟 學 回 港 參 加 新 秀 入 行 。 最 初 主 持 《 閃 電 傳 真 機 》 ， 後 來 拍 劇 。 一 直 以 來 ， 他 是 家 中 經 濟 支 柱 ， 對 上 要 養 母 親 和 聽 覺 障 礙 的 家 姐 ， 下 有 妹 妹 要 供 書 教 學 。 ○ 六 年 最 窮 時 ， 試 過 戶 口 只 有 兩 百 元 。

忽 ： 最 壞 的 日 子 怎 樣 過 ？
鄧 ： 十 分 痛 苦 地 過 。 ○ 六 年 冬 天 最 徬 徨 ， 在 北 京 拍 《 龍 鳳 呈 祥 》 （ 前 名 《 談 談 情 ． 跳 跳 舞 》 ） ， 一 面 開 工 ， 一 面 打 電 話 給 律 師 朋 友 幫 我 追 數 。 天 寒 地 凍 ， 交 租 都 成 問 題 ， 隨 時 回 香 港 無 屋 住 。
最 無 錢 那 幾 個 月 ， 阿 媽 叫 我 回 家 吃 飯 都 推 三 推 四 ， 一 來 出 街 搭 車 要 使 錢 ， 最 大 原 因 ， 是 無 面 見 屋 企 人 。 過 去 那 十 年 ， 一 直 好 proud of 自 己 孭 起 頭 家 ， 每 個 月 至 少 四 成 收 入 當 家 用 ， 肯 定 夠 阿 媽 交 差 餉 睇 醫 生 打 麻 雀 。 「 阿 媽 ， 今 個 月 俾 唔 到 錢 你 」 ， 原 來 是 世 界 上 最 難 開 口 的 說 話 。
日 日 呆 在 家 ， 無 錢 無 工 作 無 安 全 感 。 許 志 安 送 了 一 本 書 給 我 ， 叫 《 他 拿 了 我 一 塊 芝 士 》 ， 很 多 朋 友 都 像 他 一 樣 ， 送 這 些 「 如 何 令 自 己 快 樂 」 的 書 給 我 ， 怕 我 出 事 。 每 收 到 一 本 ， 也 不 知 應 該 開 心 還 是 無 奈 。
忽 ： 有 沒 有 想 過 轉 行 ？
鄧 ： 有 ， 其 實 已 在 部 署 中 。 那 時 有 朋 友 結 婚 ， 我 拍 了 一 段 短 片 ， 個 個 拍 爛 手 掌 。 當 時 就 諗 ， 我 有 idea ， 又 懂 製 作 ， 做 wedding planner 應 該 是 門 不 錯 的 生 意 。

與 原 子 鏸 相 戀 四 年 ， 分 手 導 火 線 ， 據 知 是 鄧 健 泓 太 大 男 人 ， 不 讓 女 友 行 性 感 。 「 佢 係 我 最 識 愛 、 最 愛 得 啱 、 最 無 悔 嘅 女 人 。 佢 走 咗 等 如 切 咗 我 身 體 一 部 分 ， 唔 知 點 生 活 。 」

拍 《 老 婆 大 人 》 遇 上 現 任 女 友 李 詩 韻 ， 但 鄧 健 泓 只 以 「 好 朋 友 」 稱 呼 對 方 ， 從 未 承 認 戀 情 。 《 壹 週 刊 》 圖 片

穩 陣 回 頭 草

鄧 健 泓 當 然 沒 有 轉 行 ， 去 年 他 簽 回 TVB ， 《 味 分 高 下 》 大 收 旺 場 ， 崔 建 邦 上 雪 山 ， 他 代 主 持 《 勁 歌 金 曲 》 。 在 無 綫 穿 針 引 線 下 ， 簽 回 正 東 唱 片 ， 一 切 又 像 從 未 發 生 。 只 是 ， 所 有 功 過 都 重 新 打 骰 ， 還 多 了 一 段 與 總 經 理 的 尷 尬 關 係 。

忽 ： TVB 再 簽 你 ， 是 不 是 (舌累) 飯 應 ？
鄧 ： 哈 ！ 說 起 來 好 邪 ， 跟 TVB 傾 時 ， 王 晶 剛 入 主 漢 傳 媒 ， 也 希 望 我 回 巢 ， 一 切 又 像 歷 史 重 演 。 既 然 吃 回 頭 草 ， 當 然 揀 家 穩 陣 的 。
忽 ： 一 下 子 變 了 「 陳 志 雲 愛 將 」 ， 甚 至 跟 他 傳 緋 聞 ， 代 價 算 不 算 大 ？
鄧 ： 別 人 怎 樣 看 ， 我 阻 止 不 了 。 陳 生 的 確 是 我 的 伯 樂 、 恩 師 。 是 他 令 我 的 工 作 重 上 軌 道 。 我 做 兒 童 節 目 時 已 認 識 他 ， 他 是 一 個 我 很 尊 敬 的 人 。 直 到 我 離 開 TVB ， 他 也 會 打 電 話 問 候 我 ： 「 我 們 隨 時 歡 迎 你 回 來 。 」
忽 ： 是 甚 麼 原 因 令 陳 志 雲 沒 有 放 棄 你 ？
鄧 ： 因 為 陳 生 知 道 我 有 努 力 。 《 男 親 女 愛 》 ， 我 不 是 也 令 大 家 笑 得 很 開 心 嗎 ？ 你 們 現 在 只 覺 得 我 好 彩 ， 是 抹 殺 我 之 前 所 做 的 。 這 些 年 來 的 機 會 ， 都 是 自 己 努 力 得 來 ， 出 唱 片 ， 正 正 式 式 地 試 過 音 。 為 甚 麼 Paco 簽 方 力 申 無 事 ， 林 珊 珊 簽 鄭 伊 健 無 事 ， 陳 志 雲 簽 鄧 健 泓 就 變 成 曖 昧 ？ 他 不 過 也 是 代 表 一 家 公 司 。

忽 ： 好 嬲 ？
鄧 ： 如 果 我 殺 了 人 ， 你 說 我 是 殺 入 犯 ， 我 認 。 最 不 開 心 的 ， 是 我 「 不 是 」 ， 為 何 話 我 「 是 」 ？
其 實 我 有 幾 「 愛 將 」 ？ 只 是 主 持 過 《 味 分 高 下 》 ， 剛 播 完 的 《 野 蠻 奶 奶 大 戰 戈 師 奶 》 ， 我 只 是 個 行 行 企 企 的 小 職 員 … …
忽 ： 三 、 四 線 ？
鄧 ： 錯 ！ 係 五 、 六 線 。 我 拍 劇 這 些 年 ， 未 試 過 天 書 （ 《 TVB 週 刊 》 ） 內 無 我 角 色 性 格 無 我 名 字 。
在 大 陸 ， 假 假 地 是 第 二 男 主 角 ， 《 龍 鳳 呈 祥 》 男 主 角 是 秦 漢 大 哥 ， 剛 在 東 方 衛 視 播 的 《 美 麗 新 天 地 》 ， 男 主 角 是 張 智 霖 。
不 開 心 ， 極 不 開 心 ， 我 EQ 低 ， 也 哭 過 。 但 哭 又 怎 樣 ？ 都 要 做 ， 沒 有 甚 麼 好 得 過 每 個 月 有 穩 定 收 入 。
忽 ： 一 切 又 從 頭 開 始 ？
鄧 ： 的 確 是 。 但 我 認 命 ， 無 得 話 「 早 知 係 咁 就 唔 走 」 ， 每 個 機 會 都 是 別 人 給 的 恩 典 ， 不 應 埋 怨 。

男 人 愛 狗

鄧 健 泓 很 感 性 ， 男 人 最 痛 ， 原 來 不 是 失 戀 無 工 開 ， 而 是 與 愛 犬 分 隔 兩 地 。
Seth ， 迷 你 貴 婦 狗 ， 是 鄧 健 泓 與 原 子 鏸 熱 戀 時 送 給 對 方 的 禮 物 。 兩 人 分 手 ， 女 方 移 居 上 海 ， 連 小 狗 也 帶 走 。
「 最 遺 憾 係 無 為 Seth 留 低 一 點 血 脈 。 我 另 外 養 咗 隻 狗 女 Snowy ， 諗 住 與 Seth 交 配 。 最 後 一 次 見 個 仔 ， 時 間 啱 啱 好 ， Snowy 月 經 嚟 咗 之 後 十 日 ， 好 sensitive ， 但 個 仔 怕 醜 ， 唔 敢 擺 入 去 。 我 以 為 仲 有 大 把 時 間 ， 點 知 佢 之 後 就 去 咗 上 海 ， 走 時 都 無 通 知 我 一 聲 … … 」
在 鄧 健 泓 簽 約 正 東 記 者 會 上 ， 原 子 鏸 抱 着 Seth 錄 了 段 短 片 ， 越 洋 為 他 打 氣 ， 他 感 動 得 哭 了 起 來 ， 個 個 以 為 他 對 前 女 友 餘 情 未 了 。
「 我 喊 係 因 為 見 到 個 仔 ， 真 係 好 掛 住 佢 。 」
去 如 黃 鶴 ， 真 是 甚 麼 trick 也 難 救 。








《 壹 週 刊 》 圖 片